![](https://blogger.googleusercontent.com/img/b/R29vZ2xl/AVvXsEjlUaiPcDZM2qsVqY_qI613lRbis479zy7jxmB-14ibZg4igaXIP-iSbxhkl9-5CMbCbulLx3Ee0SNQwaBXQZWNyWNCR4vhiKu0jWHDg6iOYC46-lwSUEEspqRquA8pxgAQduILVqQik3Hx/s400/a3lamlogo%5B1%5D.jpg)
وحدتنـــا العربيـــة
أنـــا مصـــرى يا نـــاس و باحــــب النـــاس
و بــــلادى فـ قلــــبى و فـــــوق الــــــــراس
و باحـــــب بلادنـــــا العـــربيـــة
و حلــــمت كتـــير بالقـــــوميـــة
و بأمـــــة عـــزيــزة و بهــــوية
تجمـــــعنـــــا بـــحب و خــــير و حمــــاس
أنــــا مصــــرى يا نــاس و باحــب النــــاس
و بــــــلادى فـ قلبــــى و فـــــوق الــــراس
إمـــــارات أو تــــونس أو ليبـيا
اليمـــن المغــــرب موريتــانـــيا
بحريـــن و عـــراق و السعودية
بالــــوحـدة تعيـــــش و لا يـــوم تنــــداس
أنـــا مصــــرى يا نــــاس و باحــب النـــاس
و بــــلادى فـ قلــــــبى و فــــوق الــــراس
بالعــــمل الصـــادق و الـــوحــدة
راح نجـــمع أحــــلام متـــباعــدة
عالحــــلم العـــربــى و نتحــــّدى
باللــــغة و الديــــن و قــــلوب من مــــاس
أنـــا مصــــرى يـا نـاس و باحـــب النـــاس
و بـــــلادى فـ قلبـــــى و فــــوق الــــــراس
بســــلام لــو نحضــــن أياديـنا
تتحــــقق أكــــــبر أمــــانيـــــنا
و لا يـــقدر غـــــادر يعادينـــــا
و لا يـــــــكسـر وحــــدة جمــعها أســــاس
أنــا مصــــرى يا نـــاس و باحـــب النــــاس
و بـــــــلادى فــ قلـــــبى و فـــوق الـــــراس
هــــات إيـدك يا أخويا العربى
هنصـــّحى الحــلم المتـــخبى
بالصـــدق و بهــدايـة ربـــى
و بعـــــزم يصــــونه عـــــــيون حـــــّراس
أنـــا مصــــرى يـــا نـاس و باحــب النـــاس
و بـــــــلادى فــ قلبــــى و فـــوق الـــــراس
ـــــــــــــــــــــــــــــــــــــــــــــــــــــــــــــــ
الشاعـــر / أحمد فتحــى
69 التعليقات:
السلام عليكم
هو أنا اول تعليق ولا ايه ممممممممممممممم
ازيك ياشاعر أخبارك ايه وحشتنا كتير ربنا يطمنى عليك يارب ويكرمك خير
الله عليك وعلى كلماتك القويه
ما أحلى الوطن وما أحلى انتمائنا له وفيت وكفيت بأجمل المعانى والكلمات
دمت ودام أسمك
ودام قلمك الذهبى
تمنايتى لك بحياة سعيده يا أجمل وأرق شاعر
دمت بكل الخير
ايناس
نعم نحتاج جميعا لمثل هذه القصيدة علها توقظ فينا روحنا الميتة علنا نعرف اننا لانستطيع ابدا مهما اردنا أن ننسلخ من قوميتنا ومن عروبتنا وان لا قومة لنا ابدا ما دمنا مفككين
الوطن العربي واحد من الوطن الى الخليج رغم انف الحاقدين وكلنا سنمضي وسيبقى الوطن
تحية تقدير لك على كلامك الرائع أثلجت صدري والله
من المحيط الى الخليج الخطأ كان مطبعيا
بصراحه شعر جميل ومدونة جميلة لكاتب رائع وصديق اتمني ان يقبلني صديقا
نعم أحلم
ونحلم معك
تحية ليك يا شاعرنا الجميل
أنا برضه مصريه
وححلم معاك بالقوميه
وبوحده تجمع قلوب الناس فى مصر وسوريا وفلسطين والعراق لحد المغرب
نحلم جايز حلمنا فى يوم يتحقق وتحت رجلينا الفرقه تنداس
تحياتى لكلماتك الرائعه وقلمك المبدع
إبتسامة ملاك
إيناس
مش عارف كنت أعمل إيه من غير تعليقاتك الرائعة ووجودك المستمر و دعمك المتواصل
فعلا مش لاقى كلام
باشكرك من كل قلبى
خواطر شابة
التحية و التقدير لك
الوحدة دائما هى الحل المنقذ عندما يشتد البلاء
كفانا غثاء السيل
دمتى بخير و دائما منورة
و شكرا لك
ماتخافوش
أهلا بك صديق عزيز و غالى
شرف ليا طبعا صداقتك
هى دى أول و أهم فوائد التواصل عبر الشبكة و من خلال ما كتاباتنا و إنفعالاتنا
شكرا لك
و أهلا بك دائما
ms vinus
أيوة كده
تعالى نحلم ببكرة أجمل .. مافيش أى حد يقدر يصادر الحلم
دايما فيه أمل
الحياة ليل و نهار
شكرا لك
دايما منورانى
مدونتى هى مرايتى
الحلم هو الباب الملكى للتطبيق
بدون حلم مافيش تنفيذ
و كل ماكانت أحلامنا مشروعة كل ماكان تحقيقها أسهل و أحق
شكرا لك
أهلا بك دائما
مساء الخير
حلوه اوي
يارب تتم الوحده العربيه
ولو حتي بينا وبين بعض من غير الحكومات
ازاي مااعرفش
تحياتي
::
نص مطوق بِ هآلة أحآسيس
وال عذوبه وصدق ال مشآعر
متمآزجه بـِ ال حبـْ مآ بين ال دزلْ ال عربية "،
.. الشاعر الفنان أحمد فتحى فؤاد ..
وأنهمــر ذوقكـَ بِ زخآتـــْ جمآل
إستعذبتــُ حرفه وإحسآسه
رقيق جميل انتــ هُنآ "،
؛
نعم كلنا عرب
اذ كلنا واحد
فلماذا لا نتحد
ومين يوصل ده لكل العرب
ويمكن همه عارفين الكلام ده
لكن للأسف فيه منهم ممكن يبيعك علشان مصلحة
أو يبيعك لجرد ماتش خايب ويعتدى عليك كمان
على كل حال هو حلم يمكن يتحقق بس نخلص الدعاء لله
السلام عليك ايها الشاعر العظيم
انا بدأت بالسلام
جزبنى ردك السلام لمن يستحقه
قلت يا دودى ادخلى تفقدى الةضع
وحينما قرأت اغلب اعمالك اندهشت اولا
وانبهرت وكنت فى غايه السعادة
عارف ليه علشان لونك قريب كتير من لونى
رائع بوح قلمك والاروع احساسك ونبض قلبك
مصرى انا وبحلم يهون
كل صعب واوصل واكون
امحى الالام وامنع عذاب
واخلى السلام على كل باب
ويبقى الامل سكه
يرسم فى القلوب ضحكه
ضحكه تملا كل العيون
اتمنى تعجبك
واتمنى اكون من المتابعين
دمت فى حفظ الرحمن
تحياتى
أنـــا مصــــرى يا نــــاس و باحــب النـــاس
و بــــلادى فـ قلــــــبى و فــــوق الــــراس
كلماتك جميلة . . . بسيطة . . . معبرة
تنبع من قلب مصري عربي تشرب بالإنتماء وعلم أن حب الاوطان إيمان وترك لقلمه العنان ليكتب في حب مصر وسائر البلدان
تحياتي
صباح الخير
سعدتك بزيارتك لمدونتي و اتمنى ان يدوم التواصل
كما اتمنى ان يتحقق هذا الحلم المسمى بالوطن العربي المتحد على الخريطة متفرق تماما في الواقع
تحياتي لجمال كلماتك
مرحباً:)
إن العّصي إذا اجتمعن أبين تكسرا وإذا افترقن تكسّرت آحادا
بوست جميل ورائع وبنَّاء فالوحدة ضرورية حتى على مستوى الأسرة فضلاً عن مستوى الدويلات
أتمنى من كل قلبي أن تتوحد هذه الشعوب وأن تصبح يداً واحدة ضد كل من تسول له نفسه العبث بوحدتها وأمنها واستقرارها
سلمت الأنامل أخي العزيز على هذا الطرح
نتطلع منك إلى الأجمل والأرقى
تقبل مروري المتواضع وإن كان متأخراً:)
عالم الحب
donya
مساء الفل
كلماتك الأحلى
احنا كشعوب فعلا بينا حاجات كتير كويسة
ربنا يكملها على خير
أهلا بك دائما
شكرا لك
للوش
إحساسك متدفق دائما كالماء العذب
اسعد دائما بوجودك
أهلا بك دائما
شكرا لك
جارة القمر
نحن فى الغالب متحدين فعلا
يبقى بعض التفاؤل ثم بعض التضحيات ثم بعض العمل
و الله الموفق
أهلا بك دائما
شكرا لك
رضا الكومى
أصبت تماما
هى دى بس الفكرة الحقيقية .. مين يوصل ده للعرب ؟
زمان كان عبد الناصر ... أما الأن فمن لها ؟ الله يبعت
أهلا بك دائما
شكرا لك
جايدا العزيزى
و عليكم السلام و رحمة الله و بركاته
شرفنى و أسعدنى جدا تشابه الألوان و المعانى و حتى بعض المفردات أو إحساسها
فعلا كلماتك رائعة و احساسها اروع
سعيد بزيارتك الأولى
و أهلا بك دائما هنا
شكرا لك
اسماء فتحى
المصرية هى الهوية الحقيقية التى نعتز بها و نفخر ... و فرحتنا الحقيقية أن لا أحد يستطيع أن يسلبنا إياها أيا كان ما يستطيع أن يسلب
وصلت؟
كل التحية لك
و أهلا بك دائما
شكرا لك
malika
أهلا و مرحبا بك طبعا
و معك اتمنى دوام تواصلنا
و بالنسبة لأمنيتك بتحقيق الحلم العربى ... ما تقلقيش ... إن شاء الله يتحقق
بالإخلاص و الدعاء و الحب و التراحم ... و كل المعطيات الأخرى
أهلا بك دائما
و شكرا لك
عالم الحب
صدقت يا عزيزى
و هذا هو بيت القصيد ... اولى بنا ان نتحد لكى لا يقوى علينا كل من تسول له نفسه العبث باستقرارنا و مواردنا و حتى حياتنا
سلمت يا اخى
و اهلا بك دائما
شكرا لك
جميلة اوى كلماتك ياريت كلنا نكون ايد واحدة وياريت نحس بده
عجز لسانى عن وصف جمال كلماتك
تحياتى لابداعك
مى
سعدت بزيارتك الأولى
و سعدت أكثر بكلماتك الرقيقة
طبعا يا ريت نكون كلنا إيد واحدة
هيحصل يا مى بإذن الله
أتمنى أن أراك دائما هنا
شكرا لك
الشاعر احمد فتحي فؤاد ....
بجد تشرفت بزيارتك ليا اوي و اتمنى يا رب ما تكونش الاخيرة
و سعيدة اوي بالصدفة اللي خليتني اتابع مدونة رائعة لشخصية اروع زي حضرتك
عموما ان شاء الله مش هتكون زيارتي الاخيرة و اكيد هضيف المدونة عندي في القايمة المهمة جدا
اما عن كلامك بجد بجد انت شخصية رائعة جدا و كلامك من اللي قراته بجد عجبني اوي اوي اوي
شكرا ليك يا شاعرنا الجميل
و اتمنى نتابع بعضنا لان ده شرف عظيم ليا اوي و الله
تقبل مروري الاول و ليس الاخير ان شاء الله
مع خالص تحياتي و تقديري لشخصك الكريم
الشاعر الجميل
أحمد
الوطن العربى حلم كل عربى عموما والمصرى بصفة خصة
ولعل الجيل القادم بحكم مهنتى مع الأطفال أنبأ له بجمع الشتات والوحدة
إدعى ونادى وسياتى اليوم التى تتحقق فيه الوحدة العربية وهو أت عن قريب او بعيد فهو آت والقرآن خير دليل على موعده القريب
وشكرا ليك
وأبلغ شكرى لقلمك أخبره
أن النيل
وإبنته
والمطر
يسلمون عليك ويرسلوا لك خالص سعادتهم لمعرفتك
الأخت مها احمد
أولا أنا أسعد بزيارتك
ثانيا طبعا هيدوم التواصل و كلى ثقة بأنك وفيه للأبد واقعا ملموسا و حقيقة و ليس مجرد إسم او صفة
اشكرك من كل قلبى على كلماتك الرائعة و التى أتمنى أن أستحق حتى بعضها
أهلا بك دائما
و شكرا لك
بنت النيل
كان ليكفيكى جمالا و عذوبة أنك بنت النيل الخالد .. و لكن كلماتك الرقيقة الواعية تزيد من قدرك و رقيك
انا اللى باشكرك على زيارتك و كلماتك الجميلة و التى أتمنى دائما أن أراها و أركى هنا
شكرا لك
طوبى لمصر بابن محب مخلص مثلك وطوبى للعرب بمفكرين وشعراء همهم الوحدة والقومية ..
شكرا لزيارتك لقد اثلجت صدري بحق
حلو الانسان تكون عنده وطنيه
لكن الوطنيه قول و فعل ^^
و حلوه القصيده وايد
سلمت يمناك =)
أبو ريان
أهلا و سهلا بك فى أول زيارة و إن شاء الله ما تكون الأخيرة
شكرا لك على كلماتك النابضة بالصدق و الإحساس
أهلا بك دائما
daloo3a
الوطنية زى ما قلتى مو كلام
الوطنية فى المقام الأول حب صادق من القلب .. ثم فعل
شكرا لك على زيارتك الجميلة و التى أتمنى دوامها
فى إنتظارك هنا دائما
شكرا وايد لج
كلمات راقية
ليتنا نستطيع ان نزرع معنى الوطن في نفوس ابناءنا بعدان نجحوا في تشويهه في نفوسنا
الوطن ليس مصر او جزائر او عراق
الوطن حيث وجد الاسلام ...
سلمتم من كل سوء
وجزاكم الله خيرا على الزيارة الكريمة
يسرا
صدقتى فى كل كلمة ... أوجزتى و أنجزتى حتى أنى لا أجد ما أعقب به على كلامك الرائع
يسرا .. أهلا بك دائما هنا فى مدونتك
شكرا لك
الله الله الله كمان مره ...
بجد تسلم ياشاعر ياكبير ...
بجد كلمات تبث التمسك بالعروبه وحب تراب الوطن ...
مبسوووطه اوى انك ذكرت اليمن .. اصلا انا منها بس عايشه بمصر وبعتبر نفسى منكم ده بعد اذنكم طبعا ...
بجد كلمات رائعه نابعه من قلب وعقل اروع ...
تقبل مرورى
ودمت دائما محبا ووفيا لبلادك ..
... ;) ,,, ;) ...
كلمات جاءت بصميم القلب
سلمت على هذا البوح الراقي
ghada mohsen
الله عليكى انتى
طبعا اهلا بيكى فى مصر بلدك التانى تنوريها و تزيديها فرح
و ربنا يزيل عن اليمن العربية الشقيقة الغمة و تبقى احسن و احسن يا رب
نورتينى و اهلا بيكى دائما هنا
فى انتظارك دائما
شكرا لك نورتينى
انثى من حرير
دايما منورانى و دائما كلماتك رقيقة مثلك
اهلا بيكى هنا دائما
شكرا لك
جميل قوى ان الاقى حد لسه عنده ايمان بالوطن العربى و قوميته و عروبته
ياريت اللى كفروا بيها يرجعوا تانى و نحاول نلحق اللى فاتنا و نعوضه
تسلم ايدك
السلام عليكم ورحمه الله وبركاته
جميل قوى قوى الشعر بس مين يسمع اننا واحد واننا عرب وان لازم نتفق مع بعض للاسف اذا كانت الكوره بتخلينا نبعد عن بعض يبقا فين العروبه اللى بيقولو عنها بجد ربنا ياستر على اللى جاى اللى راح اكيد مش قد اللى جى ربنا يسترها يارب بس الشعر جميل جدا اتمنا ان العرب كله يقراه ويعرفو علشان يفهمو معنه العروبه بحيك على الكلمات
تحياتى
صيدلية طالعة نازلة
أهلا بيكى فى أول تعليق ليكى على مدونتى .. و إن شاء الله تسعدينى دائما بالزيارة
الإيمان بالله ثم بالوطنيةو القومية و حب بلادنا العربية فى دمنا من يوم ولادتنا و لغاية ما نموت
و اللى فات هيتعوض بإذن الله
أهلا بك هنا دائما
شكرا لك
حياة بلا عنوان
أهلا بيكى برضة فى أول تعليق ليكى هنا
انا سعيد بزيارتك
و سعيد جدا بأصدقاء مدونتى الجد
و اللى أتمنى يفضلوا أصدقاء على طول
الكورة مش بتفرق بينا اللى بيفؤق بينا حاجات كتيييير وراء الستار لا نراها و لا نريد التحدث عنها
كل أملنا دائما أن نتحد من أجل بلادنا و ووطننا و مستقبل أبنائنا
يا رب
أهلا بك دائما فى مدونتى
شكرالك
شكرا جدا لحضرتك انا فعلا اول زياره بس المدونه جميله قوى وطبعا اسفه للمرور للبوست تانى مره
اكيد طبعا مش الكوره هى السبب واكيد فى اسباب تانيه بس ليه بنحاول نخلى ان الكوره هى السبب ليه الناس بتتأزى بسبب الكوره طلما ان الكوره مش اسبب ولا هى شماعه والكل بيعلق عليها علشان هى دى اللى موجوده حاليا لو كان فى حاجه تانيه كان ممكن اسفه على مرورى لتانى مره للبوست
تحياتى
وحدتنا في مهب الريح
مممممممممم
مش هقولك اكتر من ان سيد حجاب مرة مذيعة قدمته بالشاعر الغنائى سيد حجاب فقالها لاء الشاعر الغنائى بقى كلمة سمعتها مش حلوة
حياه بلا عنوان
لا تتأسفى على العودة مرة أخرى ... فهذا هو الهدف الحقيقى للتدوين التواصل و تبادل الفكر و الرأى و الثقافات
أهلا بك
عندك حق الكورة تلهى و السينما تلهى و الجرى ورا أكل العيس يلهى ... الخ الخ الخ
ربنا يسترها علينا جميعا
أهلا بك دائما
sharm
أهلا بك فى أول زيارة و إن شاءالله متكونش الأخيرة
وحدتنا أبدا مش فى مهب الريح و الدليل إنك لو سافرت برة بلدناو أصبح عندك صداقات هتلاقى أكثر علاقاتك بكل الجنسيات العربية تفرح معاهم و تزعل معاهم
واقع الشعوب مختلف تماما عن واقع الأنظمة
أهلا بك دائما هنا
شرفت و نورت
شكرا لك
حلم بيعافر
لو لم تكن تعلم فإعلم أن الشعر الغنائى و الأزجال و شعر الفصحى و الشعر النبطى و غيرها .. كل دى أنواع من الكتابة فى صنف من أصناف الأدب
و أن أكون شاعرا غنائيا أو كاتبا أو أديبا محترفا أفضل ألف مرة من أن أكون مدعيا لثقافة لا أمتلكها مع عدم وجود أى وجه للمقارنة
و إذا كان هذا رأى الشاعر الكبير الجميل سيد حجاب فهذا رأيه و هو حر فيه تماما رغم كل الشك المحيط بهذا
و أن يكون هذا رأيك فأنت أيضا حر تماما فى رأيك
نورت و نورت و نورت
شكرا لك
صح لسانك
قصيده جميله جدا جدا
تحيتي لك
مهاجرة بإحساس
الله يخلليج و يبارك فيج
أهلا بك فى زيارتك الأولى و اللى اتمنى تكون زيارة دائمة متواصلة
تسلمى على كلماتك الجميلة
أهلا بك دائما هنا
شكرا لك
معزوفة منمقة ..
بكلمات جميلة ..
باحساس راقي..
دمت ودام جمال نبضك
هيفاء
إتأخرتى كتيييييير المرة دى
يا رب المانع خير
مسامح المرة دى بس المرة الجاية لا ممكن أبدا .... هاهاها
شكرا لك و دائما منورانى هنا
السلام عليكم
والله يا احمد بيه انت بتنفخ فى قربه مقطوعه
انت حضيت اعلام لحوالى 21 دوله
ايه رأيك لو البلاد دى بقت بلد واحده
كانت عملت عمايل وسوت الهوايل
بس ازاى وكل واحد عايز يبقى رئيس
وكمان يسيب البلد بعد كدا لابنه
طب والفلوس اللى هنا واللى هناك مين اللى حيكون مسئول عنها
مش شايف ان الكلام دا كبير علينا الوقت
واحنا شعوب متخلفه وعايزين 100 سنه عشان نفهم الكلام ده... منهم لله الحكام
عزيزى فشكوووول بك الجميل
و عليكم السلام و رحمة الله و بركاته
أولا نورتنى بعد غيبة
ثانيا : طريق الألف ميل دائما بيبدأ بخطوة
و اللى ما يحصلش النهاردة يحصل بكرة
إصبر و ما صبرك إلا بالله الواحد الأحد
لكن تعرف قبل ما يكونوا دولة واحدة و حكاية واحدة واحة فيه حاجة أهم كتير تعرف إيه؟ يكون الهدف واحد و الطريق واحد و حتى الحلم واحد
و هو ده الصعب
شوف ماتش مصر و الجزائر ( الشقيقة ) و شوف الأشقاء بيعملوا إيه تعرف قد إيه الحكاية صعبة
لكن كله على الله.. و هو المعين
شكرا لك
نورتنى و تنورنى دائما
السلام عليكم
تسلم الايد اللى كتبت الكلام الجميل ده
تحياتى لقلمك
ربنا يكرمك
الى الامام دوما
سعيده بمرورى هنا
تحياتى ليك
ريمان
و عليكم السلام و رحمة الله و بركاته
إتأخرتى عليا كتير المرة دى
أوكى برضه نسامح المرة دى بس المرة الجاية ....... لا ممكن ابدا
تسلمى و تكرمى و أنا الأسعد بوجودك هنا دائما
نورتينى
اهلا بك
شكرا لك
السلام عليكم..
رائع يا شاعرنا بالفعل نحتاج أن نقرأ عن الوحده العربيه
ونقوي هذه العلاقه ...
...
دامت البلاد العربيه بخير ....
...
في أمان الله
اول زيارة لي في المدونة او ممكن اقول ديوان الشعر ده بجد كلام جميل وبسيط ورقيق , حسيت كأني في وسط ديوان شعر مش مدونة
رحاب
شكرا لك على زيارتك الأولى و التى أتمنى من كل قلبى أن تدوم و يدوم التواصل
شكرا لك و أهلا بك دائما
نهار
دمتى بألف خير و سعادة
منورانى
بالعــــمل الصـــادق و الـــوحــدة
راح نجـــمع أحــــلام متـــباعــدة
عالحــــلم العـــربــى و نتحــــّدى
باللــــغة و الديــــن و قــــلوب من مــــاس
عشرة على عشرة !!
بجد قمة ..... دمت متألقا ,,
فلتحيا الوحدة العربية
كلمات رااااائعة جدا ووحدة أروع منها
ويكفي انها خرجت على لسان وبقلم فنان رائع مثلك
سلمت يمناك عزيزي ودمت للوحدة العربية ودامت لك
تحياتي من ثنايا روحي البحرينية
الى ثنايا روحك المصرية
إرسال تعليق