عام جديد


عام جديد


كـــل عـــــام و الدنــــيا أحــــلى

و الحــــياه و العمـــــر أجمــــل

كـــل عـــام و الحــــب أغـــــلى

و الليـــالى قمــــــرهـا أكـمــــل


كـــل عــــام و الحــــلم أكبـــــر

و القلـــوب بالحــــــب تعمــــــر

و اللـــى غايـــــب عنــا يحضـر

و الـــورود و لا لـــحظة تـدبــل ...

كـــل عــــام و الدنــيا أجمــــــل ...


بادعـــى فــى العـــــام الجديــــد

كــــل إيــــد تحضــــــنها إيـــــد

و اللـــى حلمــــه يكــــون بعــيد

يبقــــى أقــــرب يبـــقى أسهــــل ...

كــــل عـــام و الدنــــيا أجمــــل ...


ياللا نفــــرد ميــــت جنـــــــــاح

ييــــجى بعـــد الليــــل صــــباح

عــــام جديــــد نمـــلاه ســــماح

و اللـــى أســــف عــذره نقــــبل ...

كـــــل عـــــام و الدنــــيا أجمــل ...


ـــــــــــــــــــــــــــــــــــــ


كل عام و أنتم جميعا و أمتنا العربية و الإسلامية بخير و حب و سعادة


الشاعر / أحمد فتحى


40 التعليقات:

خواطر شابة يقول...

وانت بخير وطيب
جميل ان نستقبل السنة بهذه الكلمات الجميلة وفعلا ياللا نفــــرد ميــــت جنـــــــــاح الدنيا حلوة وتستاهل
يارب كل الاماني الحلوة اللي في القصيدة تتحقق ان شاء الله والسنة الجديدة تكون فاتحة خير على الجميع
تحياتي لك

Angel يقول...

Happy New Year 2010

Angel يقول...

Happy New Year 2010

Ms Venus يقول...

وانت طيب دايما وبكل خير

وسنة جديدة سعيدة على الكل يارب

من غير حزن ومن غير دمع

سنة مليانة فرح وحلم وأمل

كل سنة وانت بخير يا استاذ احمد

رضا الكومى يقول...

بادعـــى فــى العـــــام الجديــــد


كــــل إيــــد تحضــــــنها إيـــــد

الله على الإحساس يا فنان
ربنا يستجيب منك
ويكون عام خير على الجميع

Mona يقول...

كل عام وأنت بخير ياأحمد - وقصيدة متفائلة لايام قادمة كلها خير أن شاءالله

الشجرة الأم يقول...

كل عام والقلوب بالحب تعمر .. في الحقيقة جات على الوتر الحساس ..

اللهم اجعلنا من الذين إذا ذكر الله وجلت قلوبهم.

بارك الله فيك أخي العزيز .. وكل عام وانت ومن تحب بخير إن شاء الله .. آمين.

أنثى من حرير يقول...

كلمات فاقت الأحاسيس
لديك حس رائع
كن دوما بهذا الراقي
..
وكل عام وانت بخير

رشا عبيد يقول...

كلمات جميلة
وكل سنة وانت طيب
ويارب تكون سنة جميلة وسعيدة

الشاعر الفنان أحمد فتحى فؤاد يقول...

خواطر شابة

شكرا لك و كل عام و أنتى بخير

و أهلا بك دائما

الشاعر الفنان أحمد فتحى فؤاد يقول...

Angle

happy new tear 4 you too

شكرا لك

و أهلا بك دائما

الشاعر الفنان أحمد فتحى فؤاد يقول...

ms venus

يارب تكون سنة سعيدة علينا كلنا يا رب

و شكرا لك

أهلا بك دائما

الشاعر الفنان أحمد فتحى فؤاد يقول...

أستاذ رضا الكومى

إحساسك إنت الأجمل

شكرا لك و كل عام و إنت طيب

أهلا بك دائما

الشاعر الفنان أحمد فتحى فؤاد يقول...

mona

و إنتى بألف خير و صحة .. إن شاء الله التفاؤل يجيب النتيجة المرجوة .. هاهاها

شكرا لك

و أهلا بك دائما

الشاعر الفنان أحمد فتحى فؤاد يقول...

الشجرة الأم

أمين يا رب العالمين

بارك الله فيك و جزاك عنا خيرا

شكرا لك

و أهلا بك دائما

الشاعر الفنان أحمد فتحى فؤاد يقول...

أنثى من حرير

أشكرك على رقيق كلماتك ..
الشكر لك أنت

كل عام و إنتى بخير

أهلا بك دائما

الشاعر الفنان أحمد فتحى فؤاد يقول...

رشا عبيد

شكرا لك على رأيك

و كل عام و أنتى بخير

أهلا بك دائما

Sometimes يقول...

جميلة اوى
يارب
كل سنة وانت طيب

عاشقة حبيبتى يقول...

كل عام وانت بخير
وكل الامنيات بتحقيق احلامك


تحياتى

norahaty يقول...

كل لحظة وانت ونحن وهم
بألف خير وسعادة وسلامة
جميلة ورقيقة كلماتك
وكما هى دائماً.

وحبي لك لن يموت يقول...

على الأرض ما يستح ـق الح ـيآه :)
كلمآت ج ـميلة أوي
متألق كمآ عهدنآك دومآ
ويارب تبقى السنآدي سنة تح ـقيق الامآني
وسنة فرحة علينا كلنا
دمت في سع ـآدة :)

مدونتى إسمها مرايتى يقول...

كل سنه وحضرتك طيب
بجد كلمات كلها تفائل وامانى حلوه ربنا يسمع منك يارب
بجد حضرتك أبدعت فى كلماتك
تقبل تحياتى

الشاعر الفنان أحمد فتحى فؤاد يقول...

sometimes

إنتى الأجمل
و كل عام و إنتى بألف خير و سعادة

و أهلا بك دائما

الشاعر الفنان أحمد فتحى فؤاد يقول...

norahaty

دايما منورانى بزيارتك

و إنتى بألف خير و سعادة

فى إنتظارك دائما

الشاعر الفنان أحمد فتحى فؤاد يقول...

عاشقة حبيبتى

يارب يحقق كل أمنياتنا و أمنياتك و أمنيات كل الناس يا رب

شكرا لزيارتك للمدونة

شكرا لك

و أهلا بك دائما

الشاعر الفنان أحمد فتحى فؤاد يقول...

و حبى لك لن يموت

التألق منك و منك رقيق الكلمات

كل عام و إنتى بألف خير

أهلا بك دائما

الشاعر الفنان أحمد فتحى فؤاد يقول...

مدونتى إسمها مرايتى

شكرا لرأيك و ذوقك و الله نورتينا

كل عام و أنتى بخير و صحة و سعادة

أهلا بك دائما هنا

حرروف يقول...

كل عام وانت بخير وبصحة وسلامة

كلماتك رسمت بسمة برغم الكثير من الهموم

منورني بزيارة دائمااا

دمت بالف خير وسعادة

هيفاء يقول...

كل عام وانت بالف خير اخي احمد

كلماتك جميلة ..

دمت بجمال حرفك

Asmaa Fathi يقول...

كل سنة وأنت طيب وسنة جديدة وسعيدة عليك إن شاء الله

الشاعر الفنان أحمد فتحى فؤاد يقول...

حرووووف

دامت بسمتك و سعادتك

نورتى المدونة

كل سنة و إنتى بألف خير

أهلا بك دائما
شكرالك

الشاعر الفنان أحمد فتحى فؤاد يقول...

هيفاء

أنتى الأجمل أختنا العزيزة

نورتى بجد

كل عام و إنتى بألف خير و سعادة

أهلا بك دائما

شكرا لك

الشاعر الفنان أحمد فتحى فؤاد يقول...

أسماء

و كل سنة و إنتى و كل الدنيا بخير و سعادجة

و يارب كل من له حلم يتحقق السنة دى يا رب

نورتى

و أهلا بك دائما

شكرا لك

إبتسامة ملاك يقول...

احم احم

ممكن ادخل واقول صباح الخيرات على ارق شاعر

إبتسامة ملاك يقول...

وحشنى وجودى هنا عبر صفحتك

إبتسامة ملاك يقول...

بصراحه مش عارفه أشكرك ازاى من كل قلبى ومن اعماقه ان جميل اوووى
وأنا بحترمك اوووى اوووى
وسعيده بتعرفى عليكى
ربنا يديم الود والتواصل الدائم بينا
كل عام وانت الى الله اقرب وسعيد ومتهنى وبألف خير

///

//

//

ما زالت اعانى من بعض المرض وربنا وحده قادر على كل شى
دعواتك

الشاعر الفنان أحمد فتحى فؤاد يقول...

إيناس

إنتى كده خفيتى خلاص
ما لك عذر تانى أبدا

قومى و إنفضى عنك كل ما كان ...
يا بنتى الفجر جاى جاى
دايما منورانى
و حمدالله على سلامتك

Asmaa Fathi يقول...

السلام عليكم

ازيك يا شاعر اخبارك ايه

ياريت تشوف منتجات المهندس تحسين زكريا في مدونته أشكال هندسية وتقول رأيك اوك علي اللينك
http://dinamatic.blogspot.com/


مع تحياتي

الشاعر الفنان أحمد فتحى فؤاد يقول...

أسماء فتحى
حاضر طبعا تحت امرك
ده يسعدنى
شكرا لك

م/ محمد صالح يقول...

اشكرك على زيارتك وتفاعلك مع الموضوع
لكن انا لى عندك سؤال واحد لو ان حضرتك كنت وزير للصحة مثلا كنت تعمل ايه ؟؟؟؟؟؟؟؟؟؟؟
هو ده اللى عاوزين نفكر فيه وكمان عوزين احنا اللى نتغير يعنى لو حضرتك ماشى فى الشارع هتلاقى ان معظم التاس لو فى ايدها اى حاجة وعاوزة ترميها بترميها بمنتهى البساطة على الارض حتى لو كان صندوق القمامة على بعد خطوات تفتكر لو قلنا مثلا اننا هنعمل غرامة 5000 جنية على اللى يرمى ورقة فى الشارع اية اللى هيحصل انا اعتقد انك مش هتلاقى واحد ماشى فى اى شارع وماسك ورقة فى ايدم من الاصل اصلو هيخاف ينسها ويرميها
طيب السؤال هو ليه احنا ديما بستنى لما الحجة تفرض علينا حتى لو كانت صح ليةه منغيرش من ثقافتنا بنفسنا
لكل كل الشكر
ولى عودة ان شاء الله

مواقع صديقة

كود: