ديوانى الثانى ... حلم أوراق الشجر

حلم أوراق الشجر

أصدقائى الأعزاء 

عارف غبت كتيييييييرعنكم و عن المدونه لكنى رجعت و معايا ديوانى الثانى الجديد ... حلم أوراق الشجر 

و إن شاءالله هانشر مجموعة الأغانى الجديدة اللي فى الديوان الجديد تباعا
و مش هاغيب عن مدونتى و عنكم تانى أبدااااا و يا رب تعجبكم

شكرا لكل من تذكرنى طوال فترة غيابى برسايل فى المدونه أو على إيميلى أو على صفحتى عالفيس

شكرا لكم خالص الشكر و التقدير

احمد فتحى

مهمــــا العالــم

مهــــما العالــــَم

مهمــــا العالــــــم قـــــال و إتكـَــلم

هافضـــل عاشــق ضـــى عينــــيكى

مهمــــا أتجــّــرح مـــش هاتألــــــم

جــــرحى بيهــدى فـ لمـــس إيديكى

هافضــــل عاشــق صـــوت أحلامك

هافضــل نجمــــــه فـ ليل أوهامـــك

فـــــارس كـــل سـلاحــى غــــرامك

هافضـــل منـــــك عايــش ليكـــــى .....مهما العالم

بحلــــم كـــل العـــــالم ليـــــــــــنا

حتــى الحلــم يعيــش فــى عينيـنا

لــو نتــــــباعد بكــــــــرة يجـــينا

ينــــده قلــــــبك أجـــرى عليــــكى .... مهما العالم

بحـــلم و أفـــرد حلمــــــى جنـاح

و أفـــــرد ليكــى الكــون أفـــراح

بحــــلم دنيـــــــا كبيــرة بــــراح

مهمــا أتـــــــّغرب فيــها ألاقيــكى .... مهما العالم

ــــــــــــــــــــــــــــــــــــــــــــــــــــــــــــــــــــــــ

الشاعر / احمد فتحى
elsha3erelfanan@hotmail.com

إمتى يا مصـــر ؟

إمتى يا مصــــر ؟

إمتــى يا مصـــــر ؟

يــرجــع حـــق شـــهيد إستشـــــهد غصـــب و غـــــدر

إمتـــى يا مصــــر ؟

يـرجـــع حــق لأم بتصـــــرخ ظـــــــلم و قــــــــــــهر

إمتــــى يا مصـــر ؟

إمتــــى هيـــدفع فيــكى الغــاصب تمــــــن الغــــصب

إمتــــى يحـــس ولادك إنـــــك عنـــــــدك قـــــــــلب

إمتـــى تحســى بنبـــض ولادك نــــبض الشـــــــعب

إمــــتى تفــــوقى و إمتـــى هيطـــلع فيـكى الفــــــــجر..

إمتـــــى يا مصــــر ؟

حاســـــبى و ردى لكــــل شــهيـــد إحسـاس الحـــق

دوســى علــى اللـــى بيقـــتل فيــكى و يحـرق حرق

ردى مظــــالم غــاصب ظــالــم غــــرب و شــــرق

حاسبــــى بحســــم تعبنــا الظلــــم تعبـــنا الصــــــبر..

إمتـــى يا مصــــر ؟

اللــــى بيقتــــل فيـــكى هاتيـــه و قصــــاد النـــــاس

فـــى التــحريــــر يتعلــّق فــــوق مشـــنوق الــراس

و اللا هاتيـــــه لصـــــحاب الحــــق ذليــل ينــــداس

ساعـــــدى ولادك هيــــساعدوكى لحّــد النصــــــر ..

إمتـــى يا مصـــــر ؟

ــــــــــــــــــــــــــــــــــــــــــــــــــــــــــــــــــــــــــــ

الشاعر / احمد فتحى

حبيبى

حبيـــــبى

باحــــس إن إنــــــت أجـــــمل

يا حبيبــــــى من القـــــــــــمر

و باحــس كتــــير بإنــــــــــك

مــــــلاك مانتــــــاش بشـــــر

باحــــسك حـــــد غــــــــــــير

و مافيـــــش زيّـــك كتــــــــير

حبـــــيب عاشــــــق أمــــــير

و هديــــة مـــــن القـــــــــدر ...

باحــــس إن إنــــــت أجــــمل
يا حبيبــــــى من القـــــــــــمر ....

فـــى عينيـــك ســر الوجود

فـــى إيديـــك كـــل الحـــدود

يـــا عبيـر ســحر الــــورود

يــا نســــيم ورق الشـــــجر ...

باحــــس إن إنـــــت أجــــمل
يا حبيبــــــى من القـــــــــمر ...

علمـــنى هـــــواك أعيــــــش

فـــى غـــرام مــا بينتــهيــش

يــا بـــرئ يا حبيــب مافيـش

فــى براءته و لا المــــــــطر ...

باحــــس إن إنــــــت أجـــمل
يا حبيبــــــى من القـــــــــمر ...

ـــــــــــــــــــــــــــــــــــــــــــــ

الشاعر / احمد فتحى

مصـر بلادى

مصــر بلادى

لا هتبــــــــقى بــــلادى و لا حبيبتـــى

و لا وطنــى و أرضـــى و لا حـــدودى

و لا هاقـــدر أسمــــيكى أمـــــــــيرتى

و لا أحــس وجـــودك فــى وجــــودى

غيـــــر لمـّــا أنـّــور ليــكى نهـــــارك

و أخـــد ليــــكى يا مصــــــر بتـــارك

كـــل شــهيــد مــن بــــــين ثــــوّارك

يـــوم الديـــن راح يبـــقوا شــــهودى ....

مصــــر يـا بلــــدى يا قلـــب حنـــون

هـــارفع رايــــتك فــــــــوق الكــــون

عــــمر تــــرابــك يــوم مــا يهـــــون

عـــــهد علــــــــــّــيا و قد عــــهودى ....

بلــــدى يا بـــــلد النــــور و الخيـــــر

لــــــــــسّـه ولادك فــى التحــــــــرير

حلـــــــم إتحــــــّـقق بالتـــــــــــــغيير

لازم يكــــــمل يــــــوم و تـــــــعودى ...

ـــــــــــــــــــــــــــــــــــــــــــــــــــــــــــ

الشاعر / احمد فتحى

بافتــح عينــية

بافتــح عينـــية علــــى الحقيـــقة

عشــــان أحـــــس إنــــك بريــئة

عشــــان اشــــوف انـك رقيـــقة

بافتــــح عينية و مــش باشــوف ...

بارفـــض حقــــــايق جرحـــــنا

باكـــــدب علــــــيّا فـ حبـــــــنا

بارفـــــض أكـــــون حتى أنــــا

باخـــــد ذنوبــــك بالظـــــروف ....

لكـّنى تايــــــه فــــــى الألــــــم

ذابحـــــنى إحســــــاس النـــدم

مــين اللى صـــادق مين ظـــَلم

مين اللى قـضّى حـياته خـــوف ...

باكتب مشـــاعرى على الورق

باكتـــب بقلــــبى اللى إتــحرق

حزين يا عــمرى اللى اتـسرق

حــزين معانــــدانى الحـــروف ...

ـــــــــــــــــــــــــــــــــــــــــــ

الشاعر / احمد فتحى

أنـــا

أنــــا

انــا فــى الليــــالى المظلــــمة

بأنســى الجـــراج المؤلـــــمة

بــارفع رايـــات مستسـلــــمة

فوق ظـــهر قلبى اللى إنحنـى .... أنا

حاســـــس بإنـــى بانكـِـــــسر

و زمــانى فــى الأخــر خِــسر

كــان نفســى مـرة أنتصِـــــر

عالجـــرح و الليـــل و الضـنا .... أنا

لكنــــى من كُتـــر الألــــــــــم

من كُتــــر قلبـــى ما انظلـــــم

مكســور فــ أوراقـى القــــــلم

مدبــوح فــى إحساسى الغُـــنا.... أنا

وعشــان حلمــت إن الزمـــــن

هيداوى عمــرى من الشـــجن

دفـــعت من حلــمى التـــــــمن

مـــوت الأمانــى الممكنــــــــة ... أنا

ـــــــــــــــــــــــــــــــــــــــــــــ

الشاعر / أحمد فتحى

ولا تخــافى

ولا تخافـــى

و لا تخـــافى ... و لا تـــدارى الهــوى الصــافى

و لا تخـــافى ... بقيــتى فـ بحــــــرى مجــــدافى

رسمـــت حدودى فــى عينيــكى

لمســت وجــودى فــى إيــديـكى

و مهـــما تكونــــى هافــديـــكى

و أحبك ليـــه بقــى تخـــافـــــى ....و لا تخــافى

أنــا نهـارك ... و شمسـك نورهــا فى عيــــونى

و مشــوارك ... لا يــوم هيهــون و لا تهــــونى

لا هاقبــــل لحــــظة بغيــــابك

و لا أقبـــل بعــدى عــن بابك

و مهـما تــزيدى فــى عتــابك

هيفضـــل قلبـــى متـــصافـــى .... و لا تخـافى

أنـــا بحـــورك ... وشـــطك موجى و قلــوعى

و مــن نورك ... بيشرق قلـبى فــى ضـلــوعى

ناديـــنى تـــرد أشـــــــواقــى

لغيـــرك قلبــــى مــش باقــى

و عــدّى بــحورى هتــــلاقى

هواكـــى فى حضن أصدافــى ... و لا تخــافى

ــــــــــــــــــــــــــــــــــــــــــ

الشاعر / احمد فتحى

ديوانى الأول بالأسواق

ديوانى الأول بالأسواق

http://www.4shared.com/document/uySY0uSa/___online.html

حلم أوراق الشجر

حلم أوراق الشجر

أنـــا حــرف نِفـــسه تنطقيـــه

و تحــلّى بوجــودك ســـراحـه

أنــا طيــر بيــــحلم تطلِقيـــــه

و يحــس فى قيـــودك براحــه

أنــا عمــــر قبلـك ضــاع هـدر

أنـــا حلــــم أوراق الشــــــجر

بالفـــجر و الـــنور و المـــطر

و النســـيم أوقــات صبـــــاحه ....

أنـــا حــرف نفـــسه تنطقيـــه

و تحــلّى بوجــودك ســراحــه ...

إنتــــى الأمــان إنتــى الحيـــاه

و طريق واخدنــى لمنتــــــهاه

فــى إيديكـــى أحلام النــــــجاه

من جـــرح أيام اللـــى راحــوا ...

أنـــا حــرف نفـــسه تنطقيـــه

و تحــلّى بوجــودك ســراحـه ...

ــــــــــــــــــــــــــــــــــــــــــــ

الشاعر / احمد فتحى

عن وفاة والدى .. رحمه الله

سمــعت صــوت شَـقْ السُــكات

ســـألت خـير ؟ مين اللى مات ؟

قالــــوا مــــاعرفـــش الخــــبر

قولــوا له يابنــى ده القــــــــدر

م الليـــــــلة ظهــــرك إنكـــسر

مات اللــــى والــد و اللى فات ....

سمـــعت صــوت شَق السُكات ....

أصــــحاب و أهل و ناس كتير

عــــزّونى قـــــالوا انت الكبيـر

دوّرت يمــــــــكن ألمــــــــحه !

واقـــــف مكـــانى فـ مطـرحه

قالــــوا الدمـــوع دى تجرحه

إدعــــى له يا بنى بالثـــــــبات ...

سمـــعت صوت شَق السُــكات ...

وبقــــيت لوحــدى فى الحـــياه

مابقــاش فى إيدى طــوق نجاه

بادعــــوك يا عالــــم بالــــبشر

يا راحـــــم الطـــير و الشـــجر

نجّــــيه يا رب مـــن الخـــــطر

و إغـــفرله بالرحمه اللى فات ...

سمـــعت صوت شَق السُكــات....

ـــــــــــــــــــــــــــــــــــــ

أسف لغيابى ... لوفاة والدى رحمه الله

الشاعر / احمد فتحى

لا تلومى

لا تلومـــى

لا تـلومـــى عـلىّ و لا تعاتـــــبى

ولا عـنى تــــدارى ولا تـخــــبى

ما تـقـــولى بـحــــبك وهويـــتـَك

ما تقولى ان انتَ اللى ف قلبى …

إيـــه يـعــنى نـحب و نتـــقـّرب

لا نـفـــارق يـــوم ولا نتـغــّرب

ولا شـمـــس الاحلام هتغــّرب

لـو قـلـــبك هـيصـــادق حُــبى …

لا تـدارى العشــق ولا تخافى

لو بـحــرك غادر مـش صافى

فى إيديكى عيونى و مجدافى

وف موجك أنا قلبى مراكبى …

لو قـالوا الناس عنى وعنك

مايقــولوا كفـايه أكون منك

إيــه يعــنى بـحبك او إنـــك

بتعيشى ف قلـبى و بتحبـّى…

ـــــــــــــــــــــــــــــــــــــــــ

الشاعر / احمد فتحى

elsha3erelfanan@hotmail.com

أخر حد

أخر حد

إنتـــى أخــــر حـــد يحلـــــــــم أو يحـــــــس...

إنتــى شـــىء مخلوق يبيع و يخون و بــــس ...

إنتــــى معـــــنى لـــكل نـــار

طــــعم واحــــد للمــــــــــرار

ألف لـــــيل هيـــكون نهــــار

لو تمـــــوت جــــــواكـــــى أخــر ألف شمـس....

إنـتـــــى أخـــــر حــــد يحــــــــــلم أو يحــــس....

قلبـى صــدّق غصب عنــه

إنك إنتى حتـــــة منـــــــــه

يامــا كذب فيـــكى ظنـــــه

لمــــا صـــرخة جرحــه كانت لســــه همــس....

إنتـــــى أخـــــر حــــد يحــــــــلم أو يحـــــــس....

ما ترجعيـــش ما تقربـيش

بقيتـى شىء مـا يهمنيــش

مستحيـــل من تانى أعيش

أمشـــــى سكـــــة أخرهـا ليل و عذاب و يأس....

إنتـــى أخــــــر حـــــد يحـــــــلم أو يحـــــــــس....

ــــــــــــــــــــــــــــــــــــــــــ

الشاعر / احمد فتحى

elsha3erelfanan@hotmail.com

بوست قديم .. بانزله تانى .. مش إفلاس .. لكن إحساس .. يا رب يعجبكم

طريــق أحلامك

طريـــق أحلامـــك

عيـــــشى و دمــــى فـ إيديــــكى

و شــــوفى إزاي هتـــرتـــاحـــى

و دارى ملامــــحى فـ عينيـــــكى

و دوســـــى بظــلم فـي جراحــى

و داوى الــــوقت فــى الزحمــــة

و سـِــدّى أبــــواب مــن الرحمـة

و نــار الجـــــرح لــو تحمـــَـــى

قـِيديــــها و طــفـّى أفـــــراحـــى ...

عيـــــشى و دمــــى فـ إيديـــكى

و شــــوفى إزاي هتـــرتـــاحـــى ...

مانيــــش ندمـــان و لا بــاحــزَن

و لا بابكــــى عشـــان مجـــروح

و لا قلـــت إنه كــــــان أأمــَـــــن

أسيبــــك لأَبقَــــي يــوم مدبــوح

و انـــــــا اللــــى قبلـــت م الأول

تشـــوفـــى الفجـــر بجنــــاحـــى ....

عيـــــشى و دمــــى فـ إيديــــكى

و شــــوفى إزاي هتـــرتـــاحـــى ....

طريــــق أحلامـــك الأخضـــــــر

خــلاص مابقــــاش بيجمعـــــنا

أكمـّـــل تانــــــى مــش هاقـــدر

طريـــق مفــروش بأوجـــاعنـا

مــا عادش الباقـى غيــر عتمـة

و ليــــل فى بـَواقــى إلحــاحــى ...

عيـــــشى و دمـــى فـ إيديــــكى

و شــــوفى إزاي هتـــرتــاحـــى ...

ــــــــــــــــــــــــــــــــــــــــــــــــــــ

الشاعر / احمد فتحى

elsha3erelfanan@hotmail.com

إرفــع راسك

إرفــع راسك

إرفـــع راســـك فــــخر و مــــجد

مصـــرى مافـيش و لا زيـّـك حد

مصــر حضـارة نــور و منـــاره

جيـــل ورا جيــل مـن جـِـد لجـِـد ...

إرفـــع راســـك فــــخر و مــــجد

مصـــرى مافـيش و لا زيّـك حد ...

إنـــــت و هــــو و هــّـما و هـــّى

صُــــنَّاع الثــــــورة المصــــريـة

شــــهداء مـــن فــــجر الحــــرية

بعــــــزيمــة و بـــإرادة و جــَـــد ...

إرفـــع راســـك فــــخر و مــــجد

مصـــرى مافـيش و لا زيّــك حد ...

إبــــنى و عــمّــر بلــــدك مصــــر

خطــوه بخــطوه و نصـــر لنصـر

و إعلــَى بمجــدك فـــوق العصــر

و إقفـــل للـــى يعارضــك ســَـــد ...

إرفـــع راســـك فــــخر و مــــجد

مصـــرى مافـيش و لا زيـّـك حد ...

و إفـــرد فجــرك نـــور عالـــكون

حقــّـق حلمـــــك مهــــما يـــكون

كــــل سنــــــين الظـــلم تهــــون

لمـّــــــا تعــيــــش أيـــام المجـــد ...

إرفـــع راســـك فـــــخر و مــــجد

مصـــرى مافـيش و لا زيـّـك حـد ...

ـــــــــــــــــــــــــــــــــــــــــــــــــــ

الشاعر / احمد فتحى

@hotmail.com

بحبك

بحبك

بحـــبك زى لـــــون الـــــفـُل

و ســحر الــورد فى البستان

بحــبك و انــتى فــوق الكـُـل

وأجــمل ما ف حيـــاة انسان

بحـــــــبك حـــب اجـــــدادى

و عمـــرى و فــــجر اولادى

بحـــبك إنـــــتى يا بــــلادى

ياأقوى من الزمـــان بزمان ...

ترابـــك أرضــــك الطاهـره

مدايــــن عمـــرنا الخضـرا

تشوفى من الزمان صـايره

و تبقى لمين يتـــوه عنوان ...

راياتــك فى الســـما عاليه

حضــارتك للخـــلود باقيه

يا مصــر يا أمـــنا الغاليه

يا نيل ما يفوتش عالعطشان ..

بنعــــشق فيــكى إحساسـنا

بحبــك و إنـــتى تاج راسنا

بنيـــنا و ليـــكى أسّســـــنا

عمــار ما يهدهـوش عدوان ...

ـــــــــــــــــــــــــــــــــــــــــــــ

الشاعر / احمد فتحى

elsha3erelfanan@hotmail.com

زمن الحبايب

زمن الحبـــايب

مــش كنـــت تنــــــطق أو تــــــقول

قبــــل الليــــالى مــــا بيــك تــطول

إنــــك بـــتعشــق و اللـــى يعشـــق

فـــى الزمـــان ده محـــال ينــــــول ...

يـــا بنــى راح زمـــــــن الحبــايب

اللـــى يعشــــق و اللــى دايـــــــب

و اللـــــى حلــمه فـ قلبه غايـــــب

مـــــات بحلـــمه بــــرىء بتــــول ...

مــش كنــــت تنطـق أو تقـــــــول؟...

كـــــان زمــــان الحـــلم أخضــــــر

و القـــلوب مــن مــاس و مــــرمر

كـــــان نهــــار الحـــــــب أكـــــبر

م اللـــــــيالــى و م الأفــــــــــــول ...

مــش كنــــت تنطـــق أو تقــــــول؟...

بــــس دى مــــــش ذكــــــرياتـــك

روح و كـــمل .. عيــش حيـــاتك

و ابــــــقى حــــقق أمنيــــاتــــــك

دى الحيـــــاه مــش راح تـــــطول ...

مــش كنــــت تنطـــق أو تقـــــول؟...

ــــــــــــــــــــــــــــــــــــــــــــــــــــــ

الشاعر / أحمد فتحى

elsha3erelfanan@hotmail.com

أنا و بناتــى

أنا و بناتــــى

أنا عنــــدى بنــــت أجـــمل

م البـــدر اللـــــى إكتــــــمل

و الثانيـــة الـــورد يدبـــــل

لــو شافــــها مـــن الخجــل

بنتــــين فى الحُســــن آيــه

و جمـــالهم إيــه؟ حكـــايه

للـــه بادعـــى و دعـــايـــا

بصــلاحهــم فى العـَـــمــل ..

أنا عنــدى بنـــاتى أجمــل

م البـــدر اللــــــى إكتمــل ...

فى عينيهم فـَـــرْح عمــرى

و نهـارى و ضـى فجـــرى

و مــعاهــم وقـــتى يجـرى

و يكــــون زى العســـــــل ..

أنا عنــدى بنـــاتى أجمــل
م البـــدر اللــــــى إكتمــل ...

و انـــا ســاجد فى الصلاه

باشـــكر ربــى فـ سمــــاه

علــى رزقــه و خِير هُداه

عالــــفرح و عالأمــــــــل ..

أنا عنــدى بنـــاتى أجمــل
م البـــدر اللــــــى إكتمــل ...

يــارب تصــون جمــــالهم

و أشـوف فرحِــة حيــاتهم

و تـــزيد بالنــور إيمانهـم

يا خَيـــر ميــن إتســــــأل ..

أنا عنــدى بنـــاتى أجمــل
م البـــدر اللــــــى إكتمــل ...

مانســــــاش أُم البـــــنات

اللـــى أجـــمل م البـــنات

تهديـــــنا التضحـــــــيات

و الحــــب بــدون مــــلل ..

أنا عنــدى بنـــاتى أجمــل
م البـــدر اللــــــى إكتمــل ...

ــــــــــــــــــــــــــــــــــــــــ

الشاعر / احمد فتحى

elsha3erelfanan@hotmail.com

أنا و قلــــبى

أنا و قلبى

دلوقـتى راجعلـــى تصـرخ
أصـعب صــــــرخة ألـــــم؟
دلوقــــــتى عــــرفت إنــك
أكـــــــبر قـــــلب اتظلـــــم؟

مـش إنــــت اللــى ابـتديت
وطـريق الشـــوك مـــشيت
دلوقــتى إنـــــت انتــــهيت
وبتصـــرخ م الــــــــندم؟!!! …
دلوقـتى راجعلى بتصـرخ
أصـعب صــــرخة ألـــــم؟...

جـاى بـعد ما عـمرى راح
فى لــيــالى مـن الـــجراح
بتــقول أســــــف ســـماح
أنــا ضايــع فـى الــــــعدم …
دلوقـتى راجعــلى بتصـرخ
أصـعب صـــرخة ألـــــــم؟...

مــش هاقــبل تـانى بـيك
و لا بالحــب اللــى فــيك
ده أنـا يامـا عملـت لــيك
وخـلاص أمــر إتحــــسم …
ولا فــارق حـتى تصــرخ
أصــعب صـــرخة ألـــــم...

ــــــــــــــــــــــــ

الشاعر / أحمد فتحى

elsha3erelfanan@hotmail.com

باعلـــن الإنسحــاب

باعلـــــن الإنســـحاب

أنـــــا بـــاعـلــن الإنســــــحاب

مــــن أيـــــــــــام العــــــــــذاب

مــــن كــــل طــــريق مشيـــته

ويــــــاكـى و كـــــان ســراب ...

أنـــــا بـــاعلــن الإنســــــحاب ...

مــش هاقـــدر تانــى أعيــــش

فـــى جــــراح مــا بتنتهــــيش

تشــــتاقـــى مــا تشتـــاقيـــش

مــــش هاقبــــل بالعــــــــتاب ...

أنـــــا بـــاعلــن الإنســــــحاب ...

ميــــــن قـــــــال إن الــــوداع

هيـــــكون رحــلة ضـــــــياع

أنـــا هافـــرد ميــت شــــراع

و هاطيـــــر فــوق الســحاب ...

أنـــــا بـــاعلــن الإنســــحاب ...

و أنـا قلـبى خلاص فـى بعدك

هيــعيش لـحيــاتــه بعــــــــدك

إخــــترتــى تــكونى وحــــدك

و يــــكون حبـــك ضـــــــباب ...

أنـــــا بـــاعلــن الإنســـــحاب ...

مـــن غيـــر حـــزن و دمــوع

و لا حــــلم بــــيوم رجــــــوع

مـــــن ليـــل جــرح الضلــوع

شــارق فــجرى اللــــى غـاب ...

أنـــــا بـــاعلــن الإنســــــحاب ...

ـــــــــــــــــــــــــــــــــــــــــــــــــــــ

الشاعر / أحمد فتــحى

elsha3erelfanan@hotmail.com