زمن الحبايب



زمن الحبـــايب


مــش كنـــت تنــــــطق أو تــــــقول

قبــــل الليــــالى مــــا بيــك تــطول

إنــــك بـــتعشــق و اللـــى يعشـــق

فـــى الزمـــان ده محـــال ينــــــول ...


يـــا بنــى راح زمـــــــن الحبــايب

اللـــى يعشــــق و اللــى دايـــــــب

و اللـــــى حلــمه فـ قلبه غايـــــب

مـــــات بحلـــمه بــــرىء بتــــول ...

مــش كنــــت تنطـق أو تقـــــــول؟...


كـــــان زمــــان الحـــلم أخضــــــر

و القـــلوب مــن مــاس و مــــرمر

كـــــان نهــــار الحـــــــب أكـــــبر

م اللـــــــيالــى و م الأفــــــــــــول ...

مــش كنــــت تنطـــق أو تقــــــول؟...


بــــس دى مــــــش ذكــــــرياتـــك

روح و كـــمل .. عيــش حيـــاتك

و ابــــــقى حــــقق أمنيــــاتــــــك

دى الحيـــــاه مــش راح تـــــطول ...

مــش كنــــت تنطـــق أو تقـــــول؟...


ــــــــــــــــــــــــــــــــــــــــــــــــــــــ


الشاعر / أحمد فتحى


20 التعليقات:

ليلى الصباحى.. lolocat يقول...

السلام عليكم ورحمة الله
يـــا بنــى راح زمـــــــن الحبــايب

اللـــى يعشــــق و اللــى دايـــــــب

و اللـــــى حلــمه فـ قلبه غايـــــب


.................
مــش كنــــت تنطـــق أو تقـــــول؟...
قلنا وقالوا كتير لكن الدنيا مش عايزة تسمع لحد

كلماتك شجية رقيقة
كـــــان زمــــان الحـــلم أخضــــــر
و القـــلوب مــن مــاس و مــــرمر

مفيش اى تعليق عليها ينفع لانها مستوفية شروط كامل الاحساس

تحياتى لك وياريت ماتغيب علينا حقيقى كلماتك لها وقع خاص طيب بالنفوس ياشاعرنا الجميل

ツSmiLeY AnGeLツ يقول...

السلام عليكم
راح وخذ معاه الامل والحياه
خذ معاه من كنا بنحبهم
كلمات جميلة جدا ووصفك لزمان كنا فيه الكل بالكل رائع جدا
ربنا مايبعد حبيب عن من يحب
تقبل مروري
سلامي ليك اخي.

♥نبع الغرام♥♪≈ يقول...

مساء الحب والرقه

الله عليك يا غالى بجد ابدعت

قلبى اخدنى بدنيا تانيه دنيا جميله كلها عشق
ربنا يسعدك يارب ويوفقك
استمر وامتعنى بأجمل الكلمات

تحيييييياتى يا ابوقلب طيب

الشاعر الفنان أحمد فتحى فؤاد يقول...

Lolocat
ام هريرة

و عليكم السلام و رحمة الله و بركاته

اشكرك من قلبي علي دعمك المتواصل و السخي

تعرفي رغم أني لم اصل حتي لسن الاربعين شعرت و انا اكتب هذه الاغنية و كأني بعمر الستون عاما

حقيقي الدنيا لتغيرت كتير من حتي عشر سنين فاتت لدلوقتي

اللهم انا نسالك الهدي و الصلاح و الخير

اشكرك علي رأيك الجميل

نورتيني

و اهلا بك هنا دائماً

شكرًا لك

الشاعر الفنان أحمد فتحى فؤاد يقول...

خواطري في الحياه

و عليكم السلام و رحمة الله و بركاته

فعلا الحياه اصبحت غريبة جدا

كل يوم الناس بتتغير و المجتمع و القيم و التقاليد بتتغير

زمن الطيبة و الخير و الحب اصبح كانه كان و راح

و الباقي بقية من بقايا الخير

اشكرك علي تعليقك الجميل

نورتيني

اهلا بك هنا دائماً

شكرًا لك

الشاعر الفنان أحمد فتحى فؤاد يقول...

نبع الغرام

ملاك الحب

ملاك من كوكب اخر

شذي الروح

أخيرا نورتي صفحات مدونتي

أخيرا ظهرتي بآرائك المميزة و تعليقاتك الجميلة

صحيح طال غيابك هذه المرة لكن يبقي مكانك دائماً بانتظارك

اللي مالوش خير في قديمه مالوش خير في جديده

و ان شاالله ما يكون فيه غياب تاني أبدا

اشكرك علي رأيك الجميل

نورتيني

اهلا بك هنا دائماً

شكرًا لك 

Unknown يقول...

يـــا بنــى راح
زمـــــــن الحبــايب
اللـــى يعشــــق
و اللــى دايـــــــب

أبدأ أبدأ أبداً
لن يذهب الحب ولا الود
من الأرض حتى وأن طُمـست
تلك المشاعر والأحاسيس الطيبة
بفيض من معناتنا نحن بنى البشر
فسيبقى الحب فى الأرض الى أبد الأبدين.

Unknown يقول...

تحياتى لكلماتك
ومعانيك الجميـــلة
ياشاعر ويافنان وياأنسان

Carmen يقول...

استاذ احمد بقالنا فترة ماقرأناش حاجة من ابداعاتك
حمدالله ع سلامتك وتسلم ايدك
تحياتي لك

الشاعر الفنان أحمد فتحى فؤاد يقول...

Norahaty

صح أبدا لن ينتهي الحب و لا الخير

و كما قال رسول الله عليه الصلاة و السلام
الخير في و في امتي ليوم الدين

و لكن و زي ما انتي شايفة و كلنا شايفين ان الحال اختلف كثير في الكام سنةاللي فاتو
تحسي الحب اقل و الخير اقل و و الأمان طبعا اقل و حتي ألوفا اقل

ده مش معناه انه مش موجود

لكن اقل اقل اقل

طبعا دائماً منورني وجودك

اشكرك علي رأيك الجميل

اهلا بك هنا دائماً

شكرًا لك

الشاعر الفنان أحمد فتحى فؤاد يقول...

Norahaty

اشكرك من كل قلبي

إحساسك بالتفاؤل رائع و أتمني لك كل التوفيق

شكرًا لانسانيتك المميزة

نورتيني

اهلا بك هنا دائماً

شكرًا لك

الشاعر الفنان أحمد فتحى فؤاد يقول...

Carmen

أسف يا كارمن جدا و أسف لكل أصحابي و اصحاب المدونه أني فعلا أتأخر كتير في الاعمال و التعليقات و حتي زياراتي لمدونات الأصحاب الغاليين و لكن و الله باحاول و الله علي قد ما اقدر
و ان شاالله اقدر اتابع اكتر و اكتر

كارمن دائماً آرائك جميلة و مميزة و دائماً اعتز برايك

نورتيني

اهلا بك هنا دائماً

شكرًا لك 

للوش يقول...

كأسْ الحيآة الممزوج ب مرآرة التجآربْ
والموآقفْ الموجعه لأبد منْ تجرعة ،
ولكنْ رغم ذآكـ لأبد منْ فسحة أملْ
تُشرقْ ب ضيآء يملىء القلوبْ
لأستمرآرية والبقآء صآمدينْ
أملْ نستنشقْ منه أنفآس الغد الأجملْ ..

الشاعر الفنان أحمد فتحى فؤاد

لِ حرفكـَ نكهه خآصة
رغم بسآطة الإسلوبْ والحرف الآ أنه يُلآمس
القلبْ ويصلْ إليه ، أبدعتــْ برسم احسآسكـَ ..
مغموس بِ إنآء ينضح إحسآسآ رقيقآ
لِ ينسكبــْ بِ كآس جمآل نرتشف منه ولآ نرتوي
سلسبيل مآ نُحتــْ هُنآ
أمنيه ب حجمـ ال سمآء أن يكون التوفيق من نصيبكـَ "

يآسمين يُطوقكــَ ..

Ms Venus يقول...

الله عليك يا شاعرنا الجميل


سلم قلمك واحساسك


تحية ليك

الشاعر الفنان أحمد فتحى فؤاد يقول...

للوش

دائماً أبدا يبهرني اختياراتك لكلماتك الغاية في الرقة التي تعلقين بها بمدونتك او مدوناتنا نحن إخوتك و أصحابك

غاية في العذوبة يا للوش

اشكرك من قلبي علي رأيك الجميل

اهلا بك هنا دائماً

نورتيني

شكرًا لك

الشاعر الفنان أحمد فتحى فؤاد يقول...

Ms Venus

اهلا بك فينوس

اعلم تماماً و اقدر من كل قلبي تواجدك و ردك رغم كل الظروف

دمتي أخت و صديقة غالية

اشكر تاني و ثالث و الف

اهلا بك هنا دائماً

نورتيني

شكرًا لك

الــحــــنـــــــــــــــــــين يقول...

بجد عند حق واغنيه رقيقه اوى والله يا فنان تقبل مرورى

الشاعر الفنان أحمد فتحى فؤاد يقول...

الحنين

أشكرك على رأيك الجميل

طبعا أهلا بك هنادائما

و طبعا دائما مرور مميز

نورتنى

شكرا لك

♥نبع الغرام♥♪≈ يقول...

الله على كلامك الجميل حبيبى

ربنا ما يحرمنى منك
وان شاء الله مافيش غياب
وانا معاكم ومنكم

ربنا يديم الود
انا اللى زعلانه منك لانك مش زورت مدونتى غير مرة وحده بس
منتظراك

أقدم عاصمه فى الحب يقول...

السلام عليكم

كلام جميل جدا
يستحق متابعتى
شكرا على ما وقعت عليه عينى اليوم عندك
ودى وإحترامى :)

مواقع صديقة

كود: