%5B1%5D.jpg)
بلد ى حبيبتى
بلــدى حبيبـــتى الغالــية نادتـــنى
خــدت أجـــازة و روحـت نازلـها
أعـــمل إيـــه يـا ولاد وحشـــــتنى
هــــى و أهـــلى و كــل عيالــــها
خنــــقة و زحـــمة و حرقـــة دم ؟
حبـــة عــــذاب على حر و ظــلم ؟
بـــــس دى بلــــدى و أجـــمل أم
لـــيل و نــهار عمّال و بادعيـلها ...
بلــدى حبيبـــتى الغاليــة نادتـــنى
خـــدت أجـازة و روحت نازلـــها ...
كـــل ما بابــــعد عنــــها بالاقـــى
كل حنــــين جوايــــا عشانــــــها
هـــى الحـــضن الدافـــى البـــاقى
أم الدنــــيا مافيــــش فـى حنانـها
مهـــما أتـغــّرب عنـــها باعــــود
زى العــاشـــــق و المــوعـــــود
مـــش هيــفــّرق بيـنـــّا حـــــــدود
و لا رايـــح أبـــعد عن أحضانـها ...
بلـــدى حبيبـــتى الغالـــية نادتنى
خــدت أجـازة و روحــت نازلـها ...
نــازل مصــر أجــازة و ســــايب
بلــــدى التانــــية .. الإمــــارات
بلــــد الخــــير و الــــحب الدايب
جــــوة قلوب و لا فى الحــكايات
زى مـــا مصـــر حبيــبتى بلادى
كــــل بــــلاد الدنــــيا بـــــلادى
بس خــلاص و من اللــحظة دى
نــــازل بـــــلدى بـــكل أمانــــها ...
بلــــدى حبيبــــتى الغالية نادتنى
خــــدت أجـازة و روحت نازلها ...
ـــــــــــــــــــــــــــــــــــــــــــــــــ
إخوتى و أخواتى : أنا فى أجازة شهر بمصرنا الحبيبة أم الدنيا..أهلا بكم فى مدونتكم دائما
سامحونى للغيابوشكرا لدعمكم الرائع.
الشاعر / أحمد فتحى
22 التعليقات:
والله عماله ااقول يارب اكون اول تعليق
والحمد الله حصل
اولا الكلامات جميله
اول ما غنتها فكرتنى بفيلم
عسل اسود
مصر عسل بس اسود
شفت السعادة بترفرف بين سطورك
عرفت قد ايه بتعشق تراب مصر
اكيد هى كمان بتعشقك
وفتحالك حضنها
الف حمدالله على السلامه فى بلدنا مصر
نورتها بنورك
الف حمدالله على السلامه
بين اهلك وناسك
نورت مصر
واتمنى لك اجازة سعيدة يا احمد
تحياتى
السلام عليكم ورحمة الله
كلماتك اخى الكريم دائما رقيقة سهله الاستيعاب لكن مع احتفاظها بقوةتها وبلاغتها
هذه القصيدة ذكرتنى بشاعرنا صلاح جاهين حين قال
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
الحمد لله على سلمتك اخى الفاضل واجازة سعيدة ان شاء الله
تحياتى لك وتقديرى
حمدالله على السلامة
نورت المدونة ومصر كلها
كلمات رائعة
تسلم عليها
ربنا يوفقك ويكرمك
مع خالص تحباتى
مصر منوره بوجودك فيها والله
كلمات جميله اووى لمست قلبى
اجازه سعيد
وابقا طمنا عليك
توتا
مرحبا بالشعراء
عزرا لتطفلى على مدونتك فالشعراء تجمعهم القلوب
كلامك هادف وأغنية وطنية جميلة كانت فعلاآ مهم حد يكون بيحب البلد لسة وبيكتب عالشانها أحساس مفتقد من زمان
دمت مبدعا
دعوة لزيارة مدونتى للتواصل )
هتنور بلدك حببتك
حاسه بفرحتك انك نازل مصر
تعرف نفسى احس احساسك ده ابعد عنها شويه وارجع ليها مشتاقه
مهو احنا منعرفش قيمة الشيئ الا لما نبعد عنه
تحياتى ياشاعر
استاذ احمد
حمدلله على سلامتك ونورت بلدك
جميلة اوى الكلمات على فكرة
وكلنا بنحب اكيد مصر
مهما حصل لنا فيها ومهما بنشوف
نورت مدونتك من تانى
تحية ليك
نورت بلدك ومكانك يا شاعر
وبجد مصر أم الدنيا
مهما بعدنا هي جوه قلوبنا
حمدلله علي سلامتك
ويارب دايما متهني
وكفاياك غياب
الامارات واهلها هشيتاقوا لك كتير
يا شاعر هتوحشنا
اصحى يا نايم ووحد الدايم
(حملة الجسد الواحد)
أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد، ومن أجل قيام الولايات المتحدة الإسلامية
لمزيد من المعلومات
http://dndanh111.blogspot.com/2010/06/blog-post_14.html
جعله الله في ميزان حسناتكم .. آمين
:.
إحسآس ال غُربه هُنآ يتآجج
لِ ينثر شوقآ لِلوطنْ ، وولهآ لِ كُل قريبــْ "
:
الشاعر الفنان أحمد فتحى فؤاد ،
صيآغة مُتقنه لِ مشآعر كآمنه
بِ حروف رآقيه ،
صح نبضكـَ ، كُلكـ
بوح جميل ورآئِع "،
يآسمِين يُطوقكـ َ ،،
.:
مصر هي دوما ام الدنيا
بوح جميل
سهل ,, استمتعت بقراءته
حمدا لله على سلامتك يا احمد
والله بوست اكتر من رائع
بلدي حبيبتي
جميلة بجد
دمت بخير
تحياتي
حمدالله على السلامة
يا فنان
وإن شاء الله إجازة سعيدة
وحشتنى
جيت اطمن عليك
يارب تكون بخير
وترجع لينا بالسلامه
السلام عليكم
كل سنة وانت طيب يا شاعر
كل سنه وحضرتك طيب ويارب تكون بخير ورمضان كريم عليك وعلى الامة الاسلاميه
إخوتى و أخواتى الأعزاء
جايدا العزيزى
لولو كات
تامر نبيل
إثنين حبيبين
علاء المصرى
داليا
ميس فينوس
ساسو
عاشقة الشاعر
أم الخلود
للــوش
أنثى من حرير
هبة جمال
أسماء فتحى
رضا الكومى
إثنين حبيبين ... كمان
أحمد الصعيدى
إثنين حبيبين ... كمان و كمان و كمان
أشكركم جميعا من كل قلبى على سؤالكم عنى أثناء الغياب فى مصرنا الحبيبة ( أيا كانت الظروف )
و أشكركم من كل قلبى على كلماتكم الجميلة و رأيكم الذى أعتز به
دمتم أخوة و أصدقاء أبد الدهر
كل عام و نحن و أنتم جميعا بخير و صحة و سلام
شكرا لكم
ملحوظة سامحونى على عدم الرد بشكل منفصل ... رمضان دخل و الدنيا صيام و عبدة و قراءة قراءن ... و طبعا و عمل و الوقت ضيق جدا
بازوركم جميعا إن شاءالله
شكرا جدا
جميله جدااااااااا
ازيك يا شاعر
كل عام وانت بخير بانتهاء رمضان وقدوم العيد الصغير
من العايدين
تحياتى
السلام عليكم
تطل علينا هذه الايام ليلة القدر ربما هذه الليله او ربما اليلة بعد الغد او ربما كانت ليلة امس الامس .
رزقكم الله ليلة القدر بالاكثار من الطاعات
وكل عام وانتم بخير بمناسبة قدوم عيد الفطر المبارك
تحياتى
إرسال تعليق