باحـــزن


باحــــزن



باحــــزن .....

علـــــى كـــــل شـــــراع مكســــــور

مــش قـــــادر فـــى البحــــــر يعــّدى



باحـــــزن ....

علــــى كــــل طــــــريق مهـــــــجور

كـــــان شــــايل خــطاويــه متـــحّدى



عالــــقلب الصـــــادق لــــــو خــــان

عـلى عـــــاشق فـــى الحـــب إتــهان

عـلى صــــــرخــة مجــــروح إنسـان

كـــــان تــــايــه فــى الحــــلم الوردى .... باحــــزن



باحـــــزن علــــى شمــس بتتــــّغرب

عـــالقمـــر المخـــنوق فـــ سحابــــه

عـــــلى فــــجر من الضــى بيهـــرب

و بيقــــفل عالــــــــنور أبــــــوابــــه



علـــــى وردة بتـــــرفض تتــــفتـــّــح

علــــــى قلــــــب فــ حبــــه بيتــجّرح

عـلـــــى نجــــمة بتطفــــى و بتــّروح

و بتصــــــــــرخ ميـــن فيــــكم ضدّى .... باحـــزن



ـــــــــــــــــــــــــــــــــــــــــــــــــــــــــــ



الشاعر / أحمد فتحى



52 التعليقات:

بلال عادل رجب. يقول...

بحزن عندما الاقصى بيهدم بحزن عندما يدنس ارض المسلمين
------------
اتمنى ان تسخر موهبتك لله

♥نبع الغرام♥♪≈ يقول...

السلام عليكم

ازيك يا شاعر اخبارك ايه
يسعدنى ان اكون تانى تعليق

♥نبع الغرام♥♪≈ يقول...

عالــــقلب الصـــــادق لــــــو خــــان

عـلى عـــــاشق فـــى الحـــب إتــهان

عـلى صــــــرخــة مجــــروح إنسـان

كـــــان تــــايــه فــى الحــــلم الوردى

**********************************
الله الله الله الله
الله يباركلك بجد
الحته دى بالذات لمستنى اووووى
هى كلها روعه بس دى بالذات تحفه
مزيد من التوفيق والابداع والرقى
وبسعد بوجودى فى مملكتى هنا
تحياتى

ريمان يقول...

السلام عليكم

والله واحنا كمان بنحزن على كل ده

انت فعلا شاعر موهوب

بجد جميله اوى اوى

تحياتى لقلمك

Ms Venus يقول...

كالعادة رائع يا استاذ احمد

سلم قلمك الراقى واحساسك


تحية واحترام ليك

للوش يقول...

....


وحزنآً يغتآل ذآكـْ الفؤآد يجعلة يحتسى كآس الموتـــْ
ب أنينْ وغصآتـــْ ويليقيه كُل ليله
ب أرآضي الوحده والصمتــ ْوالمتآهآتــْ يُسآمرْ إستفهآمآتـــْ
وجدآنه المُلتآع ل ِيتجدد النزف ويزدآدالألمـ أكثر
وتتوسعْ المتآهآتـــْ وسط الجروح الغآئره ،،



؛

الشاعر الفنان أحمد فتحى فؤاد

عآزف ع أوتآر الحرف العذبــْ
يتسآقط منْ إحسآسكـَ ألمآسآتـــْ تُشعْ
ب ِ همس أسر بآذخ مْترف ،
مطوق أنتـــَ ب إبدآع لؤلؤي
كل حرف هُنآ كآن له رتمـ خآص
تترآقص له عذبــْ وتلمع سحرآ به ،
أسرتني بِ رقة شعوركـَ يآ رقيق
شلآل إبدآعكـَ لأ يُمل منْ سمآع خرير
الهآمس الشفآف ، إنسكبـْ بلآ حد ف أنتـــَ مُذهل ,,


يآسميني يآسركـَ ,,

Tamer Nabil Moussa يقول...

كلمات جميلة

تسلم عليها

مع خالص تحياتى

مي يقول...

عالــــقلب الصـــــادق لــــــو خــــان
عـلى عـــــاشق فـــى الحـــب إتــهان
عـلى صــــــرخــة مجــــروح إنسـان
كـــــان تــــايــه فــى الحــــلم الوردى



ماشاء الله الكلمات اكتر من روعة احساس راقى ومبدع
تسلم ايديك

الشاعر الفنان أحمد فتحى فؤاد يقول...

قلب فارس

كلنا لله

و ما خلقنا الإنس و الجن إلا ليعبدون ... صدق الله العظيم
اللهم إجعلنا من العابدين الخاشعين التوابين ... اللهم إغفر لنا و لا تواخنا بما أخطأنا أو نسينا ... و إعف عنا و إرحمنا ... إنك أنت التواب الرحيم

أشكرك لمرورك الكريم
و أهلا بك دائما

الشاعر الفنان أحمد فتحى فؤاد يقول...

إيناس الملاك

التعليق الأول التعليق الثانى ... مش مهم أبدا ... دى مدونتك و تعلقى فى الوقت اللى يناسبك

أشكرك على كلامك الرائع الجميل
و أتمنى دائما تلمسك كلماتى و تعجبك

دائما منورانى
شكرا لك

الشاعر الفنان أحمد فتحى فؤاد يقول...

ريمان

هى دى فايدة الشاعر الحقيقى ... بكل تواضع ... إنه يعبر عن مشاعر الأخرين ... و طبعا نفسه .. بتركيز و وضوح و إيجاز

أشكرك بجد على رأيك الجميل فى كتاباتى
دائما منورانى
شكرا لك

الشاعر الفنان أحمد فتحى فؤاد يقول...

ms venus

كل التقدير و الإحترام لك .. و الشكر على دعمك الدائم بالكلمات الجميلة ... و هذه أنتى دائما

دائما منورانى
شكرا لك

الشاعر الفنان أحمد فتحى فؤاد يقول...

للوش

لا أدرى من أين تستقين كلماتك و تعابيرك المنفردة و المتميزة تلك
لا أدرى بأى مداد ساحر تستمدين جميل المشاعر و المعانى

أشكرك بجد على رأيك الجميل جدا
و دائما منورانى
شكرا لك

الشاعر الفنان أحمد فتحى فؤاد يقول...

تامر نبيل

أسعدتنى بزيارتك الجميلة الأولى يا أخى العزيز
و التى أتمتى أن تكون تواصلا دائما
نورتنى و أسعدتنى
أهلا بك دائما هنا
شكرا لك

الشاعر الفنان أحمد فتحى فؤاد يقول...

مى

شرفتينى و أسعدتينى بزيارتك
و برضه أتمنى تكون زيارة دائمة متواصلة
أشكرك بجد على رأيك الجميل و اللى بدأتيه ب ( ما شاءالله ).. سلمتى و غنمتى
نورتينى و أسعدتينى
أهلا بك دائما هنا
شكرا لك

مهموهة أحمد يقول...

عاش من شافك يا شاعرنا الجميل
اتاخرت علينا كتير و الله
بس ان شاء الله يكون المانع خير يا رب

بجد وحشنا كلامك الجميل ده
اللي مليان احساس جميل و بيجمع معاني غاية في الروعة و الجمال

شكرا على الكلمات اللي خطها قلمك المبدع ده يا شاعرنا المتميز

بجد رووووووووووووووووووووووووووووعة و عجبتني اوي

خالص تحياتي و تقديري

و اتمنى ما تغيبش كتير كده

الشاعر الفنان أحمد فتحى فؤاد يقول...

مهاااااااااا

أولا ربنا يخلليكى يا رب على جميل كلماتك
ثانيا و الله الحمد لله كل شىء ماشى كويس .. و إنتى عارفة الغربة طبعا.. مش بترحم
لكن كله تمام و الحمد لله

ثالثا وده الأهم باتأخر علشان ما حدش يمل من تواجدى المستمر و ماحدش يزهق منى
و يا رب ده ما يحصل أبدا
أشكرك بجد على إهتمامك و كلماتك الجميلة
دائما منورانى
أهلا بك دائما
شكرا لك

مرايتى يقول...

أهنأك بأنك تملك قلبا فى زمن قل فيه من يمتلكون قلوب
ويحزنون لحزن غيرهم

تحياتى لقلمك المبدع
ربنا يكرم حضرتك ويعزك يارب

ghada mOhsen يقول...

تسلم ايديك ياشاعرنا المبدع ...

بجد كلام مؤثر كتير .. واحساسك كتير صادق ومعبر ...

كلنا فعلا بنحزن على كل ده واكتر ...

بجد تسلم ..

... ;) ,,, ;) ...

الغاردينيا يقول...

بجد جميلة جدا

ووصلت لقلبي والشاعر الصح بيعرف يوصل لقلوبنا

تحية يا مبدع ,,

Unknown يقول...

الله!يااستاذ أحمد
ايه الجمال دهـ
لك حق تسمى نفسك
الشاعر الفــــنان
لأنك فعلاً شاعر وفنان
وإنسان حســـاس أوى

غير معرف يقول...

كيف لا تحـــزن أخي أحمد
فمن ملك احساسك ورهافة حسك حق له أن يحزن
ولو كان الناس يحملون هذه الرؤية وبهذه الروح
لأصبح كل شيئ في الكون جميل..!!

Manal E. AlNuaimi يقول...

ابصراحة الكلام جميل جدا ..

اعجبني اكيد ..

ودائما متميز بكلماتك ..

الشاعر الفنان أحمد فتحى فؤاد يقول...

مرايتى

دائما كلماتك معبرة و منفردة فى إختيارها
أشكرك على كلماتك الجميلة اللى أتمنى أستحقها بجد
دائما منورانى
شكرا لك

الشاعر الفنان أحمد فتحى فؤاد يقول...

غادة محسن

ألله يسلمك .. و و بجد هاقولك إن اللى فعلا بيخرج من القلب بيوصل مباشرة للقلب .. و كل ما كان الإنسان صادق فى إحساسه صدقه الأخرون

أشكرك على كلماتك الجميلة
و دائما منورانى بجد
شكرا لك

الشاعر الفنان أحمد فتحى فؤاد يقول...

الغاردينيا

أسعدتنى زيارتك الأولى جدا و أتمنى طبعا يدوم التواصل
على فكرة داومى على الرسم و التدريب هتبقى فنانة كويسة جدا
أشكرك على كلماتك الجميلة
و أهلا بك دائما
شكرا لك

الشاعر الفنان أحمد فتحى فؤاد يقول...

norhaty

دائما بانتظر تعليقك عشان أعرف رأيك لأنه بيهمنى

بالمناسبة الشاعر الفنان ماكنتش بازكّى نفسى بيها على أى أحد .. و الله العظيم .. حتى إنى فكرت كتير أغيرها .. لكنها إرتبطت بيا من أيام ما كنتش محترف باكتب و أبيع و أشتغل ..و القريبين منى ما زالو بيندهولى بيها .. عشان كده خلليتها
و دى الحكاية بإختصار

طبعا أسعنى رأيك و أشكرك عليها جدا
و دائما منورانى
شكرا لك

الشاعر الفنان أحمد فتحى فؤاد يقول...

أبو طلال الحسينى

أهلا بك يا أخى العزيز فى زيارتك الأولى .. و اللى بجد كنت منتظرها من كتير
و أتمنى تدوم لإنك إنسان جميل أنا باعزه فعلا

أشكرك على رأيك الجميل يا أخى و أتمنى يكون ده رأيك دائما
أهلا بك
شكرا لك

الشاعر الفنان أحمد فتحى فؤاد يقول...

منال النعيمى

أبصراحة ؟ زيارتك الأجمل
و أشكرك على إنك خلاص داومتى على الزيارة ..و طبعا الحمد لله إن اللى باكتبه بيعجبك .. و خصوصا إننا جيران
شكرا لك على رأيك الجميل اللى أعتز به
و دائما منورانى
شكرا لك

مهاجره بإحساس يقول...

ماشاء الله تبارك الله

احساس جميل وكلمات خفيفه ورائعه

صح لسانك يا اخوي

دمت مبدع

الشاعر الفنان أحمد فتحى فؤاد يقول...

مهاجرة بإحساس

الله عليكى
تعليق بدايته تبارك الله و ما شاء الله يبقى الله الله

الإحساس الصادق يخرج من القلب مباشرة إلى القلب

دائما منورانى
شكرا لك

أنثى من حرير يقول...

دع عنك عطاء الحزن يا سيدي
وستجد نور الأمل
واحساس الحب
ينير حياتك

..

كلمات رائعه
شكرا لك

حياه بلا عنوان يقول...

السلام عليكم ورحمه الله وبركاته
الكلمات جميله قوى زى العاده طبعا
وعجبنى جدا الجمل دى
باحـــــزن ....

علــــى كــــل طــــــريق مهـــــــجور

كـــــان شــــايل خــطاويــه متـــحّدى



عالــــقلب الصـــــادق لــــــو خــــان

بجد تسلم ايدك
تحياتى

♥نبع الغرام♥♪≈ يقول...

حضرتك وحشتنى انت فين حتى عيد ميلادى مش شاركتنى فيه لعل المانع خير

ياريت طمنى عليك لانى كده قلقت اووووووووووووووى

ربنا يسمعنى اخبار كويسه عنك قادر يا كريم مش متعوده على غيباك يا قمر

мαησηα يقول...

علـــــى وردة بتـــــرفض تتــــفتـــّــح

علــــــى قلــــــب فــ حبــــه بيتــجّرح

عـلـــــى نجــــمة بتطفــــى و بتــّروح

و بتصــــــــــرخ ميـــن فيــــكم ضدّى .... باحـــزن


الله عليك بجد .. تسلم ايدك

دمت يارب بخير ورائع برسم الاحساس ف كلمات

غيابك طول فعلا .. يارب يكون المانع خير

Ranona Elmgnona يقول...

كلام جميل جدا اكثر من رائع تحياتى
تقبل مرورى

Authornadiah يقول...

الله الله يا شاعر يا فنان يا حساس..
كلامك أوجعني وأعجز عن وصف مدى جماله وألمه وكم باحزن على كل الحزن ده وكم باحزن لأني ماقرأت باحزن من أول ماتكتبت باحزن..
ماتحزنش أنت واستمر في عطاءك بس ماعليش لو القلم بيحزن عشان كلامه بيوجع ويتغرس في القلب أكثر ومايتنسيش..
دمت بإبداع..

Butterfly يقول...

فـاخرحرفك ,

دمت بود ..

: )

Ms Venus يقول...
أزال المؤلف هذا التعليق.
Ms Venus يقول...

بتغيب كتير يا استاذ احمد

يارب يكون السبب خير

♥نبع الغرام♥♪≈ يقول...

وحشتنى بجد

فينك كل دا
يارب تكون بخير ويارب يطمنى عليك اخى الفاضل
طولت الغيبه
مممممممممممممممممم


ياريت اول ما ترجع طمنى لانى بجد قلقت عشانك جامد

العلم نور يقول...

كل طريق حزن إلا ويكون له نهاية !!! فلا تفقد الأمل

أنثى من حرير يقول...

لقد عزف الكلمات بشكل شجي
سلمت وسلمت كلماتك

اقصوصه يقول...

مادمنا نعيش ونتنفس

فلا غنى لنا عن الحزن

ولا بد لنا من التنفيس :)

واحد من البلد دى يقول...

السلام عليكم

يعنى لما اجى ازورك...القاك غايب

ربنا يجيبك بالسلامة

دمت فى حفظ الله

زمرده يقول...

كلمات جميله
ولكن الله يجيرك من الحزن ويسعد قلبك

هيفاء عبده يقول...

ابعد الله عنك الحزن واسبابه
وادام عليك نعمة السعادة
كلمات جميله رغم الألم الذي في ثناياها
كن بخير

♥نبع الغرام♥♪≈ يقول...

السلام عليكم

مساؤك احلى من السكر
وحشتنى اوووى

عاوزه ادخلك من امبارح بس للاسف النت عندى فاصل من امبارح ويادوب رجع
اخبارك ايه وفيك ايه بجد انا قلقانه عشانك اووى ايه فيك بيألمك

ربنا يبعد عنك اى وجع والم يارب ويحفظك من كل شر
انت اجمل ما عرفته وهفضل اعرفه لحد ما ياخد الحق حقه
بتمنالك حياة سعيده جميله بعيد الالالم الحياه وقسوتها

ومليون حمدالله على سلامتك نورت الدنيا كلها يا باشا
وحشتنى وحشتنى وحشتنى اوووووووووووووووووووووى
ربنا يحميك ويحفظك

إيناس

ليلى الصباحى.. lolocat يقول...

كلماتك رائعـــــــــة
احساس صادق ..يرتكن على ميراث ثقافة واضحة

تشرفت بالمرور على مدونتك اخى
وفقك الله ..وادام عليك الحس الصادق
فهونعمة لا يقدرها الكثيرين فى هذا الزمان

الشاعر الفنان أحمد فتحى فؤاد يقول...

lolo cat

أشكرك بجد على رأيك الراقى الواعى المدرك

أنا سعيد جدا بزيارتك الأولى و أتمنى دوام التواصل
و دائما تنورينى
شكرا لك

عاشقة الشاعر يقول...

الله يسعدك ويبعد عنك الالم والحزن

عاشقه الشاعر يقول...

الله يحفظك لنا ويسعدك

مواقع صديقة

كود: