%5B1%5D.jpg)
ماترجعيـــش
لـــو عايــــزة تمشــــــى ما ترجعيـــــش
أنــــا مـــش هاكـــــون فـــى الإنتـــــظار
حــــــتـى الــــــــوداع ما تودّعـــــــــيش
ما تفكـّــــــريش فـــى الإعتـــــــــــــــذار
بــــس إوعى تنــــــسى إن اللـــى خــان
قلـــــبك ... و حـــبه علــــيكــى هــــان
و أنــــا قلــــبى كـــــان مليــــان حنــان
و إنتــــى اللـــــى حبـــــك كـــان مـــرار ...
مـــــا تفكـّـــــــريش فــــى الإعتــــــذار ...
أنـــــا مــــش حـــزين عالــذكريــــــات
و لا هـابكـــــى يـــوم علـــى حــب فات
أنا بـــــس بســــــأل لـــيه ساعـــــــات
صــــــدّقت إن إنتـــــى النــــــــــــــهار ...
ما تفكـّــــريش فـــــى الإعتــــــــــــذار ...
علّمـــــنى غــــدرك شــــــىء جـــــديد
إن الأمـــــــــان ما بقــــــــاش أكــــــيد
لـــــو حتـــــى قلــــبى يمــــوت وحــيد
أحســـــن ما اعــــيش فى جراح و نــار ....
ما تفكــّــــريش فــــــى الإعتــــــــــــذار ...
ــــــــــــــــــــــــــــــــــــــــــــــــــــــ
الشاعر / أحمد فتحى
61 التعليقات:
اول كرسي بسررررررررررررررعة
و التاني كمان معلش اصل احمد معايا
هههههههههههههههههههههههه
اروح اقرا بقى و ارجع
يا سلام يا سلام يا شاعرنا المبدع
بجد جميلة اوي يا استاذ احمد
و احلى ما فيها انك بايع زي ما هي باعت
و فعلا اللي نساك انساه
و اللي هواك اهواه
شكرا يا شاعرنا الجميل و اتمنى يا رب نقرا منك المزيد و المزيد من الكلام الرقيق
مع خالص تحياتي و تقديري لشخصك الجميل
قاسية جدا كلماتها صعبة لكن من تصرفت بهذه الطريقة تستحق فعلا ان يوجه لها هذا الكلام وأكثر منه
دمت مبدعا دائما
تحياتي
فنان والله لوحة أنسانية حقيقية وكلماتك صورتها بشكل مؤلم وأن كان واقعى جدا
السلام عليكم
فعلا مش اى حب يتبكى عليه
تحياتى لقلمك
الله عليك
فعلا فنان
تحية واحترام لقلمك الرائع يا شاعرنا
هل لي بدخول عالمكـَ
ومشاركتكـَ نزفكـَ
طالما الوجع واحد
والالم واحد
والفراق واحد
سببهما تمزيق لجزيئات القلب
الشاعر الفنان أحمد فتحى فؤاد
لقد نثرتْ الوجع على شواطئنا
شهدتْ الألم فى العيون .. اخمدتَ مرجل القلب
عن الفوران وقلبٍ مسجي على مسامير الانتظار
هيا ارمى الحطب فى موقد الروح فلن يسمعوا إلا
سواكَ فأسمعهم ترانيم شغبك وانفثى حروفكَ
وحدها أناملكَ تمزق الكفن وتحيك عباءة النبض
للحياة ...
ماشاء الله روعة بجد
حسيت فيها بموسيقى بتلاحق الكلمات فيرقصن ويبعن
جميلة جداااااااااا
تسلم ايدك
الوفية للأبد مها أحمد
أشكرك جدا جدا جدا على مداخلتك القوية دى
صح يا مها ... أوقات نقدر نبيع زى ما بنتباع ... لكن أوقات بجد مش بنقدر
مها ... نورتينى
و أهلا بك دائما هنا
شكرا لك
خواطر شابة
كلامك تمام هو ده
الإنسان الخاين ما يستحق حتى كلمة كويسة ... و ما يستحق حتى نظرة الوداع
نورتينى
و أهلا بك دائما
شكرا لك
منى
طبعا شكرا لكلماتك الجميلة
فعلا ... الواقع أحيانا بيكون أقسى كتير كمان من مجرد احساس أو قصيدة أو خيال
نورتينى
أهلا بك دائما
شكرا لك
ريمان
التحية لك إنتى بعد غياب
و طبعا أكيد مش أى حد يتبكى عليه
نورتى
و أهلا بك دائما
شكرا لك
ms venus
التحية و الإحترام لك
و أشكرك على كلماتك الجميلة
نورتينى
و أهلا بك دائما هنا
شكرا لك
للوش
طالت غيبتك كتيييير
لكنك دائما متألقة فى تعليقاتك
أشكرك على كلماتك الجميلة
نورتينى
أهلا بك دائما هنا
شكرا لك
مى
الموسيقا الداخلية متلازمة أساسية للشعر و الشعر الغنائى بالتحديد
و جميل منك جدا إنك حسيتىها كده
نورتى
و أهلا بك دائما هنا
شكرا لك
السلام عليكم ورحمه الله وبركاته
الموضوع جميل قوى كلماته جميله ماشاء الله
اللى بيحب حد قوى مستحيل مش ينتظره بس مش كل الحب
اللى ممكن نتنازل عنه الحب الباقى الحب الكامل ممكن يحصل وننتظر لكن لو حب محكوم عليه انه ينهدم ومفيش اى تعاون علشان يقدر الحب ميكونش مهدوم يبقا ده مش حب يبقا كلام وبس كلمات جميله
تحياتى
قبعاتي لحروفكَ تنح ـني
دمت رآقٍ سيدي الكريم
(:
حياة بلا عنوان
شكرا لكلماتك الجميلة
الموضوع بمنتهى الوضوع ... الحبيب يقبل و يحتمل و يوافق على كل شىء ... إلا الخيانة ... فإنها فوق الحب و فوق المقدرة و أبعد من كل الإحتمال
أهلا بك دائما
نورتينى
شكرا لك
و حبى لك لن يموت
أهلا بك بعد وقت أحسبه طويل
شكرا لك على كلماتك الجميلة
و أهلا بك دائما هنا
نورتينى
شكرا لك
بجد تسلم ياشاعرنا يامبدع
بجد عجبتنى كتير
وقريتها اكتر من مره ...
وفعلا اللى بيبيع نبيعوا ...
بجد تسلم على هالاحساس ..
... ;) ,,, ;) ...
غادة محسن
الله يسلمك و يبارك فيكى
يا ما فى الحياة هنشوف يا غادة ... المهم نتعلم
نورتينى بجد
أهلا بك دائما هنا
شكرا لك
مبدع كالعادة
أستاذ رضا الكومى
زيارتك بتسعدنى دائما .. و بتسعدتنى أكثر كلماتك الجميلة
منورنى
و أهلا بك هنا دائما
شكرا لك
حلوة بجد
عارف حسيت بلحن كلماتك
وكانها اغنيه مكتملة العناصر لحن ونغمات وكلمات واداء بسم الله ماشاء الله حلوة اوي
دمت بالف خير
(لـــــو حتـــــى قلــــبى يمــــوت وحــيد
أحســـــن ما اعــــيش فى جراح و نــار ....)
حلوة وقوية
تذكرنى بـ
اصون كرامتى
من قبل حبى.!
بسم الله الرحمن الرحيم
كلمات قوية و معبرة .. في بساطة وسلاسة محببة ..
لكن أعتقد أن هناك كثيرا من الأحيان يصطنع الشخص القوة أمام الطرف الآخر .. و يقول أنه لا يريده و لا يريد أى اعتذار لكن قلبه يحن إليه مرة أخرى إذا كان يحبه بصدق ..
و شكرا لحضرتك
تحياتى
صحيح من قسوة الى ممكن تشوفه من حبيب ممكن تقوله كده
بس أكيد عمر الحب ما حيموت فى القلب لو كان حب حقيقى يمكن صحيح بيتجرح بس بتفضل الذكرى فى القلوب
بجد كلمات رائعه واحساس اروع تحياتى لقلمك
حروووووووف
إحساسك فى محله
الأغنية دى فعلا إتلحنت و إتغنت و نزلت فى ألبوم من فترة لكنه لم يلاقى النجاح لأنه ما إتعملله الدعاية المطلوبة
أهلا بك و دائما منورانى
شكرا لك
norhaty
إتأخرتى شوية المرة دى؟
أوكى مسامحك
دائما أبدا لابد أن نصون كرا متنا من قبل أى شىء
و هذا الفرق بين النجاح و الفشل
دايما منورانى
شكرا لك
د أية
أولا أهلا بك فى زيارتك الأولى و التى أتمنى أن تدوم بإذن الله
ثانيا : هذا هو الحب ذلك الداء المر الذى و إن يصيبنا لا نشفى منه أبدا
لكن كما ذكرت فى ردى على dr.norhaty إذا أصبح هذا الحب يمس كرامتنا بالجرح أو الخيانة ... فأبدا أبدا لا يلزمنا
أهلا بك دائما
و شكرا لك
مرايتى
الحب هو أجمل إحساس فى الدنيا
ممكن يتجرح و يتعالج ... لكن يوم ما ينذبح بالخيانة مثلا لا يجدى أى علاج معه نفعا ... يموت تماما
أهلا بك دائما و شكرا على كلماتك الجميلة
شكرا لك
السلام عليكم
جميله كلماتك
والاجمل بجد القوه اللى لمستها بين حروفك
صعب على الانسان انه يمر بتجربه وتفشل بس اما يجتااز التجربه دى ويخرج منها وهو قوى بيكسب كتير وكمان بيتعلم منها احسن من اللى خرج منها وهو ضعيف مهزوم مذلول
وانا لمست بين كلماتك القوه
احييك عليها
تحياتى ليك
وسعيده بمرورى هنا
شعرك رائع
علي فكرة انا كمان باكتب شعر بس علي قدري
مستني زيارتك
http://www.ammar-online.tk/
حلوه وايد الكلمات :)
ياااااااااااااااااه
فعلآ أنا متأخره كتير أوووووووووووووووى
بس غصب عنى بجد
كنت بمر بأزمه نفسيه
وأخدت أجازه وطبعآ قفلت المدونة وقلت ابعد عن كل شىء
وسافرت الاسكندريه بقالى 15 يوم ولسه راجعه يادوب انهاردا
وقلت اغير تصميم المدونه
وكده يعنى ياريت متزعلش منى
كل سنه وحضرتك طيب بمناسبة المولد النبوى الشريف
وبجد وحشتنى جامد يا اجمل شاعر بالدنيا كلها
وخلاص انا بقيت كويسه ورجعت تانى ادوشكم معايا
ههههههههه
كلماتك جميله أووووى
حسيت بيها جامد
اللى زى تغور فى داهيه مش تستاهل قلبك الطيب الجميل
مع السلامه تروح مش عاوزنها ترجع تانى
يارب اشوفك دايمآ متألق ومبدع
ياصاحب القلم الدهبى
تحياتى لكل حرف خطته يدك الكريمه
دمت بكل خير
مع الاعتذار على الغياب
تحياتى
ايناس
ريمان
فعلا ياريمان كلامك مضبوط
إذا كان الحب فى الأساس قوة ... قوة تدعمنى .. تقويينى ... تسعدنى ... تنجحنى
يبق نعمل إيه لو أصبح ضعف و جرح و ألم... و خيانة؟
بدون أدنى تفكير نشطبه من حياتنا ... و للأبد
شكرا لك يا ريمان
دائما منورانى و الله
عمار مطاوع
شكرا لك لزيارتك الأولى و اللى أتمنى تكون دائمة
و طبعا يسعدنى زيارتك
أهلا بك دائما
شكرا لك
أقصوصة
شكرا لك لرأيك الجميل فى الكلمات
دائما منورانى
شكرا لك
إينـــــــاس
أولا : حمدالله على السلامة
ثانيا : الحمد لله اللى عدّى أزمتك النفسية ( مش قلت لك قبل كده ما تاخديش كل حاجة على أعصابك ؟ ما حدش يستاهل ؟ )
ثالثا : دائما كلماتك جميلة و مشجعه و داعمة بكل قوة
و دائما بيسعدنى رأيك و زيارتك و وجودك الكريم هنا ...مدونتك الثانية
فى إنتظار جديدك
أهلا بك دائما
شكرا لك
من عافنا عفناه لو كان غالي..
الله يا أستاذ أحمد فتحي كلماتك درر سهلة الحفظ فقد انسابت على مسمعي رقراقة كالماء العذب..
نادية
نورتينى بزيارتك الأولى لمدونتى و اللى أسعدتنى و اللى أتمنى تكون زيارة متواصلة إن شاء الله
و أشكرك على رأيك الراقى الكريم و أتمنى دائما تنول كلماتى إعجابك
أهلا بك
شكرا لك
السلام عليكم
جيت أصبح على الغالى يارب تكون بخير وحشتنى أووى كنت عملت حاجه كده قصيده نونو يارب تعجبك يهمنى رئيك يا غالى اووى
ويارب تكون بخير
صباحك سكر واحلى من السكر كماااااااااااااااااان
وحشتنى مووووووووووووت
فنان بجد ....والله كلام سهل ملحن نفسه
إيناس
دايما منورة و مشرقة
طبعا يسعدنى و يشرفنى كمان
أنا رديت فعلا عندك
شاكرك جدا جدا جدا
أهلا بك
tarkieb
أهلا بك عزيزى فى أول زيارة لك و يا رب يدوم التواصل
خالص شكرى و تقديرى على رأيك الرائع
أهلا بك دائما هنا
شكرا لك
السلام عليكم ورحمة الله تعالى وبركاته
احببت أن احيك فى هذا الصباح الجميل
وأسأل اين الجديد يافنان؟:)
شىء اخر حتى يكون
حضورى مفيداً:)
أصلح تاريخ وتوقيت
المدونة :فاليوم 3-مارس-2010
والساعة 6:29 صباحاً اعلم انها
اشياء صغيرة ولكنها أحياناً
تضايقنى وأجد نفسى انوه
عنها!
زعروطة والنبي ..
واخيرا قدرت اكتب تعليق ...
عايزة اتعلم اكتب زيك يا احمد .. :)
كلماتك جميلة باسلوب جميل جدا ..
دى طبعا اول زياره ليا فى مدونه حضرتك
هى جت متأخرة بس معلش بقى كل تاخيرة وفيها خيرة
كلمات حضرتك فى منتهى الجمال
بس قاسيه حبتين
هى بصراحه قاسيه تلات اربع خمس حبات يعنى :):):):)
بس اكيد البطله كانت تستاهل كل ده
تحياتى وتقبل مرورى
بالانجليزي
amazing
بالعربي
مدهش
انت جميل يا اخي احمد بجد وقادر على التعبير بكل بساطه
ربنا يوفقك
norhaty
سعيد جدا بوجودك تانى فى مدونتك التانية هنا
بالنسبة للجديد ... حالا ... قريبا جدا
بالنسبة للتوقيت الساعة بتوقيت الإمارات حيث أقيم .. التاريخ عندك حق باضبطه
شكرا جدا جدا جدا
منال
أخيييييييرا
نورتى و شرفتى يا بنتى
ده لو كنت جيتلك ماشى من الفجيرة لغاية عندك فى دبى كنت وصلت من سنة
بس الحمد لله على وصلك
فى إنتظارك دائما
عايزة تتعلمى تكتبى زيى ؟ تعالى نبدأ من أول الكلام ... الموهبة ... و اللى بعدها أنا أقدر عليه العروض و المحتويات من بحور و قوافى و تفاعيل و مدارس ... هاشرحلك بالتفصيل لحد ما تبقى أحسن منى ... بس الموهبه ؟ إيه؟
هبة جمال
أهلا بك .. كنت مستنى زيارتك دى من كتيييير
لكن الحمدلله إنك هنا ...
مسامحك على التأخير
ليس بين الخيرين حساب...
بالنسبة للقسوة ... دائما مبدأ الجزاء من جنس العمل هو الأنسب و الأفضل و الأقوى تأثيرا .. و يزداد الجزاء كثيرا إذا تعلق الأمر بالخيانة و فقدان الثقة
نورتى و شرفتى
و دائما فى إنتظارك
أخى محمد رضا
إنت الأجمل و الله يا أخى العزيز
و تسعدنى زيارتك جدا و تشرفنى
دائما فى إنتظارك منورنى
شكرا لك
kj
اين أنت يافنان؟
بقى لك شوية غايب
أدعوالله أن تكون بخير
وتحت ظلال الاشجار
وقفت عاجزه عن كتابه توقيع
لمن انا بجانبه كالطفل الرضيع
الحب الصادق يبقى مهما كانت الظروف
واللي بحب جد بسامح
حتى لو جات متأخر
إرسال تعليق