مــش هارجــع ليـك

مش هارجع ليـــك

أنـــا مـــش أول قـــلب إتـــــجّرح
أنـــا مـــش أخــر حلــم يمـــــوت
رغــم جراحى فـ حــبى باصـرّح
بعــــدى هتبـــقى حياتــك مـــوت

بعــــدى بلحـــظة حــب هتحــــلم
بعــــد الحــــلم هترجـــع تنـــــدم
مهـــــما تفــكر مــش راح تـــقدر
تانــــى فــ يوم على قلبـى تفــوت...
أنـــا مـــش أخــر حلــم يمـــــوت...


أنا ما غـدرتـش بيـك و لا خنـتك
ده أنـا علـى قلـبى و حـبى أمنتك
جــاى دلوقــتى و بعد خيانــــتك
تبـــنى بنـــدمك لــــيّا بيـــــوت ؟...
أنـــا مـــش أخــر حلــم يمـــــوت...

أســفة خلاص مـش هارجع لـيك
و لا هشـــتاق و لا يوم لعينــــيك
إنـت اخــترت و كــان بإيديـــــك
حـــب العـــمر يــموت فـ سكوت ...
أنـــا مـــش أخــر حلــم يمـــــوت...

ـــــــــــــــــــــــــــــــــــــــــــــ

الشاعر / أحمد فتحى