أنا و بناتــى



أنا و بناتــــى


أنا عنــــدى بنــــت أجـــمل

م البـــدر اللـــــى إكتــــــمل

و الثانيـــة الـــورد يدبـــــل

لــو شافــــها مـــن الخجــل


بنتــــين فى الحُســــن آيــه

و جمـــالهم إيــه؟ حكـــايه

للـــه بادعـــى و دعـــايـــا

بصــلاحهــم فى العـَـــمــل ..

أنا عنــدى بنـــاتى أجمــل

م البـــدر اللــــــى إكتمــل ...


فى عينيهم فـَـــرْح عمــرى

و نهـارى و ضـى فجـــرى

و مــعاهــم وقـــتى يجـرى

و يكــــون زى العســـــــل ..

أنا عنــدى بنـــاتى أجمــل
م البـــدر اللــــــى إكتمــل ...


و انـــا ســاجد فى الصلاه

باشـــكر ربــى فـ سمــــاه

علــى رزقــه و خِير هُداه

عالــــفرح و عالأمــــــــل ..

أنا عنــدى بنـــاتى أجمــل
م البـــدر اللــــــى إكتمــل ...


يــارب تصــون جمــــالهم

و أشـوف فرحِــة حيــاتهم

و تـــزيد بالنــور إيمانهـم

يا خَيـــر ميــن إتســــــأل ..

أنا عنــدى بنـــاتى أجمــل
م البـــدر اللــــــى إكتمــل ...


مانســــــاش أُم البـــــنات

اللـــى أجـــمل م البـــنات

تهديـــــنا التضحـــــــيات

و الحــــب بــدون مــــلل ..

أنا عنــدى بنـــاتى أجمــل
م البـــدر اللــــــى إكتمــل ...


ــــــــــــــــــــــــــــــــــــــــ
الشاعر / احمد فتحى

42 التعليقات:

بلال عادل رجب. يقول...

جميله جدا جدا

الشاعر الفنان أحمد فتحى فؤاد يقول...

و أنا أشكرك جدا جدا جدا

و أهلا بك هنا دائما

شكرا لك

Carmen يقول...

راااااااائعة استاذ احمد
ربنا يزيدك موهبة يارب
تقبل مروري

Mona يقول...

ربنا يحفظهما لك كلمات بسيطة وحلوة وشقية وبنتوتية وجميلة لفتة حب أم البنات - تحياتى ياشاعر وأتمنى أن تكون بخير

جايدا العزيزي يقول...

ربنا يبارك ليك فيهم استاذى

يا احن واطيب اب

ويحفظهم دايما ويبارك فى فيهم

احساسك قدرت يعبر عن حبك لبناتك

واكيد هما اسعد وبيعتزوا بيك

يسلم احساسك

وسلامى لاجمل وارق بنتين

اشكرك

تحياتى

ليلى الصباحى.. lolocat يقول...

السلام عليكم


يــارب تصــون جمــــالهم

و أشـوف فرحِــة حيــاتهم

و تـــزيد بالنــور إيمانهـم

يا خَيـــر ميــن إتســــــأل ..


آآآآآمين

ربى يبارك فى البنات وامهم وابوهم ويسلمهم من كل شر

رائع قلمك ورائع قلبك ورائعة كلماتك
لو كل غياب منك سيأتى بكل هذا الجمال وهذه الحروف الهامسة فمرحبا بغيابك دائما هههه

اشكرك على هذه الكلمات التى قربتنا منك اكثر ربى يبارك لك فيهم اخى ويعز بهم الاسلام

تحياتى وارق الامنيات لك

Mona يقول...

نسيت أقول لك شكل المدونة كده تحفة :)

للوش يقول...

نجوم تتزاحم في سماء الكلم
تقتبس من عليائه الضياء

الشاعر الفنان أحمد فتحى فؤاد

يا من عرفتَ سر الحرف
والكلمه وبريشة فنان
رسمتَ أجمل اللوحات
ابداع ماخطت اناملكـَ
حفظَ الله بناتكـَ وعائلتكـَ
دمتْ ودام رسمكـَ
لنطير معكـَ على جناح
ريشتكـَ الى عالمكـَ
حروف جميلة
حروف تناثرت
عطر بصدق احاسيسه
عذب بكل مافيها وفاء
عفوي باحت بخلجاته
وأكليل من الوجد لأنفاسكـَ

ツSmiLeY AnGeLツ يقول...

السلام عليكم
الله على اجمل وصف لبناتك
كلمات جميلة ومتناسقة وسلسه في نفس الوقت
ربنا يخليهم لك ويبارك لك فيهم ومايحرمك منهم
وربنا يحفظهم لك
امين يارب
تقبل مروري
سلامي ليك استاذي.

موناليزا يقول...

مش عارفة ليه حسيت قد ايه من يمتلك موهبة الكتابة بيكون عنده وقت انه يشوف الحاجات بمنظورها ويستمتع بيها ويشارك الناس فيها كمان
يمكن لان لو واحد عادى وعنده بنات مش هيحس اصلا ان عنده نعمة بيت وزوجة واطفال
وبجد انا بعتبر الموهبة دى نعمة من ربنا تستحق ايضا الشكر

وبغض النظر استاذ احمد اذا كان هذا البوست حقيقى ام لا يكفى الحالة الجميلة اللى باينة فى الكتابة
بالتوفيق دائما

فاروق سحير ( فاروق بن النيل ) يقول...

الشاعر الفنان أخمد فتحى فؤاد
رائعة برغم بساطتها وسهولة كلماتها
شكرا لك صديقى
أخوك: المهندس الشاعر/ فاروق بن النيل

الشاعر الفنان أحمد فتحى فؤاد يقول...

كارمن

الله يخليكى

و أشكرك فعلا على رأيك الجميل ده

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

mona

يا رب يحفظهم و يخلليكى

أنا فعلا عندى بنتين و فعلا الكلمات دى قطرة من إحساسى بيهم

أم البنات .. ؟
طبعا احلى من كل البنات
من غيرها كان هيبقى فيه بنات؟


نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

جايدا العزيزى

انا عندى بنتين .. الكبيرة سلمى عندها 7 سنوات و الصغيرة سارة عندها 3 سنوات

و طبعا لا كلام و لا تعابير بعد كلماتك

الله يسلمك و يسعدك

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

أم هريرة

اللهم أمين

هو ده اللى فعلا إسمه الدعوة اللى فى مكانهاو يا رب تتحقق

جملتك الرائعة ( اشكرك على هذه الكلمات التى قربتنا منك اكثر ).. إستوقفتنى كثيرا .. و فرحت بها أكثر و أكثر

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

mona

أشكرك على ذوقك الجميل و المتميز

فى إن الشكل عجبك .. و فى إنك رجعتى عشان تبدى رأيك

إنسانة مثقفة

تحياتى
نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

للوش

دائما أبدا ما تختارين حروفك و مفرداتك و كلماتك بالإحساس و التعبير الذى لا يرتفع إليه رد

فماذا عسى الانسان ان يقول بعد كل هذه الكلمات الرقيقة

غير .. أشكرك جدا

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

خواطرى مع الحياه

و عليكم السلام و رحمة الله و بركاته

الله عليكى إنتى و على تعليقك الجميل الرائع

ربنا يحميكى و يبارك لك ..

و يزيد لك من الدعاء مثل ما قلت و أكثر و أكثر وأكثر

سعيد بتعليقك

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

موناليـــزا

البوست حقيقى

البنتين سلمى و سارة .. أجمل ما فى الحياة بالنسبة لى .. و طبعا مامتهم

الموهبة هبة من الله سبحانه و تعالى .. و الإستفادة منها فى ما يرضى الله أفضل ألف مرة من أى شىء أخر ..

مهما كانت التضحيات ..و مهما كانت المغريات

إسألينى أنا .. بعد عمل إحترافى فى الكتابة لما يقرب من عشر سنوات .. أسأل الله العلى العظيم أن يغفرها لى

أشكرك بجد

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

المهندس الشاعر فاروق إبن النيل

أنت الرائع يا صديقى بتعليقك هنا و تواجدك هنا

و أنت الرائع بإحساسك الجميل و كلماتك العذبة

دامت الصداقة و الحب

هذا الأبقى

نورتنى

أهلا بك هنا دائما

شكرا لك

Heba Salem Youssef يقول...

ما شاء الله
جميلة جدا

بارك الله فى بنات حضرتك
وبارك الله فى قلمكم ووفقكم فى كل ما تكتبون

Dr/ walaa salah يقول...

ربنا يباركلك فيهم وتفرح بيهم يارب

كلماتك جميله اوي لانك بتقولها بمشاعر اب حنون


مشكور وفي إنتظار جديدك

شهر زاد يقول...

الشاعر الفنان أحمد فتحي فؤاد
ربنا يصلح ويهدي ويفضلو منورين حياتك يا اجمل اب في الدنيا وتفرح بيهم وبعيالهم وتتباهى باخلاقهم وتربيتهم وتتجازى عند المولى بابلغ الجزاء
تحياتي

Ms Venus يقول...

الله الله الله يا شاعرنا الجميل


ربنا يحفظهم ياارب ويبارك فيهم ويخليهم ليك دايما فى احسن حال


كلمات فوق الروعة اكيد


سامحنى على التأخير

واشكرك جدا على سؤالك العزيز والغالى عليا

ربنا يسلم قلبك وعمرك دايما يا ارق شاعر

Tarkieb يقول...

اكيد طالعيين لباباهم...ربنا يخليهم لك ويحفظهم....ويديك العمر وتمتعنا كمان وكمان...

رشيد أمديون يقول...

يا سلام على الكلمات المليئة بالطيبة والحنان..
شيء جميل والله، أتمنى لك التوفيق.

الشاعر الفنان أحمد فتحى فؤاد يقول...

dr . heba

الله يبارك فيكى إنتى

و يرزقك و يرزقنا جميعا من حيث لا نحتسب

أشكرك على رأيك الجميل

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

dr. walaa salah

أجمل شىء فى الدنيا إحساسك لما يكون عندك أولاد أو بنات ( طبعا بنات أحسن ..هاهاهاا) ساعتها بتعرفى قد إيه كان والدك و والدتك بيحبوكى أكتر من نفسهم

ربنا يرزق كل محتاج البنين و البنات

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

شهر زاد

أمين أمين أمين

و لكى و لللجميع كل الرزق و الفرح و الحب و السعادة

كفاية عليا قوى أفرح بيهم .. أما عيالهم دى بعيدة شوية .. شوية كتيييير

سعيد بكلماتك و دعواتك

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

ms venus

أولا .. لا شكر أبدا على واجب

ثانيا .. إنتى تيجى فى كل وقت و أى وقت

دى مدونتك

دايما رأيك و تواجدك بيسعدنى جدا

أشكرك من قلبى على رأيك الجميل و دعمك المتواصل

نورتينى

أهلا بك هنا دائما

شكرا لك

الشاعر الفنان أحمد فتحى فؤاد يقول...

tarkieb

كده برضه يا صديقى العزيز

طالعين لباباهم؟

ياراجل يا جميل حرام عليك ..

دول بنات

عايز توقف مستقبلهم

هاهاهاهاهااهاها

طبعا بهزر معاك

سعيد بدعوتك و بوجودك

و أشكرك على رأيك الجميل

نورتنى

أهلا بك هنا دائما

شكرا لك

الشاعر الفنان أحمد فتحى فؤاد يقول...

ابو حسام الدين

صديقى العزيز

الطيبة و الحنان .. و الرحمة و الحب .. و الصدق و الإخلاص .. و الوفاء و العطاء

أغلى و أجمل ما يملك إنسان

أشكرك يا أخى العزيز
نورتينى

أهلا بك هنا دائما

شكرا لك

عاشقة الشاعر يقول...

مانســــــاش أُم البـــــنات


اللـــى أجـــمل م البـــنات


تهديـــــنا التضحـــــــيات


و الحــــب بــدون مــــلل ..

جميل؟

WhItE HeArT يقول...

جميله اوي بجد

تحياتي

Asmaa Fathi يقول...

الشاعر أحمد فتحي

جميلة كلماتك في حق بنتاك وقد تغير الحال من وأد البنات الي افعتراف بفضلهم وما لهم

دمت مبدع وكل عام وأنت وبناتك وجميع عائلتك بخير وسعادة

تحياتي

الغاردينيا يقول...

جميلة جدااااااا
حبيتها بجد
وربي ييحفظهم لك ويحفظك لهم
واطيب الاماني بالسنة الجديده :)

شهر زاد يقول...

استاذي
انت غبت عنا كثير
وعيزين نطمن عليك ومش عوزه السنة تمر من غير ما قول لك كل سنة وانت بالف خير وصحة وعافية وحنين للمدونة علشان نتمتع بابداعك
طمنا عليك
تحياتي

رحاب صالح يقول...

طبعا كعادتي دوما
جاية متأخرة
بس انا بجد احييك بشدة علي كلماتك الرائعة
وكمان لان مفيش حد بيحب البنات كدة كله بيحب الولاد...؟

رحاب صالح يقول...

اه نسيت اقول
انت بتتأخر كتير اووي ف الكتابة كدة لية...؟

♥نبع الغرام♥♪≈ يقول...

وحشتنى يا اغلى الغالييييييييييين
عارفه انى رخمه ووحشه ومقصرة معاك ومع كل الناس الحلوة اللى بحبها ياريت تلتمس ليا العذر
رجعت تانى ليكم
ويارب معتش يرجع تانى اللى شفته الايام اللى فااااااااااتت

♥نبع الغرام♥♪≈ يقول...

ربنا يبارك ليك فى بناتك ويحفظهم
يا ابو البنات
ماشاء الله
كلمات قوية هزت وجداااااااانى
احيك على رقتك

ايناس

هيفاء عبده يقول...

ربنا يحفظهم لك ويحفظك لهم

كلمات جميلة بمعزوفة اجمل

دمت متألقا اخي احمد

مواقع صديقة

كود: