مصر حبيبتـــى

مصــــر حبيبتــــى
مصـــــــر هتفـــــضل ضــــــى عينيــــــــة
مهمــــــا هيحصــــــل غاليـــــة علـــــــــيّا
هــــــــى قـــــرايبـــى و كــــل حبـــــايبــى
بلـــــــدى حبيبــــــــتى و أم الدنــــــــــــــيا
......................................
مصـــــــر بــــــلاد الخـــــــير و الحـــــــب
نيلـــــــها بيجـــــرى وريـــد فى القلــــــــب
كــــــــام ملــــــــيون بيقـــــــولوا يـــــارب
تحفـــــــظ ليـــــــنا هامتــــــها العاليـــــــــة
بلـــــــــدى حبيبــــــــتى و أم الدنــــــــــــيا
..........................................
مصـــــــــر بـــــلادى الحــــرة يـــا مصـــر
باقـــــولها بعـــــزة و مــــــجد و فــــــــخر
صامــــدة و سابقــــة الدنيــــــــا بعصــــــر
فــــوق الـــــراس مرفـــوعـــة و عالـــــية
بلـــــــــــدى حبيبـــــــــتى و أم الدنيــــــــــا
.........................................
لــــــــو لفــــــــيت الدنيــــــا بحـــــــالها
شــــرق و غــــرب جنـــوب و شمــــالها
مـــــش راح تــلقى بـــلاد فــى جمــــالها
ماضـــــــــى و حــــاضر و سنيــن جايــة
بلــــــــدى حبيبــــــتى و أم الدنـــــــــــــيا
ــــــــــــــــــــــــــــــــــــــــــــــــــــــ
مبروك فوز مصر الحبيبة بكأس الأمم الأفريقية 2010 للمرة الثالثة على التوالى.. تحيا مصــــر تحيا مصر تحيا مصر..

الشاعر / أحمد فتـــحى

57 التعليقات:

هناء محمود يقول...

جميلة جدااا وصادقة وكلماتها بسيطة مش معقدة

تحياتى

Unknown يقول...

لــــــــو لفــــــــيت الدنيــــــا بحـــــــالها
شــــرق و غــــرب جنـــوب و شمــــالها
مـــــش راح تــلقى بـــلاد فــى جمــــالها
ماضـــــــــى و حــــاضر و سنيــن جايــة
بلــــــــدى حبيبــــــتى و أم الدنـــــــــــــيا
+==================
الله!جميلة يااستاذ أحمد
وعن تجربة والحمد لله
رحت شرق وغرب ما لقيت
فى جمالها وحلاوتها فى عينى وقلبى
ربنا يحفظها لنا ويهدى لنا الحال.

موناليزا يقول...

وكل مصرى الله عليه

صيدلانيه طالعه نازله يقول...

صعب قوى اننا منحباش حتى لو مخنوقين منها

حتى لو كارهينها

لانها ببساطه

مصر

مبروووووووووووووووك لينا و لمصر

حروف يقول...

مبرووووووووووووك لينا وعليناا
مبروك لينا الفرحة ويارب يديمها عليناا

دمت بالف خير
ومنورني دائما بكلماتك الرقيقة

اعذرني في الرد المتاخر او التاخر في زيارتك

بمتحن وبحاول اهرب واشوف المدونات :)

خواطر شابة يقول...

مبروك الفوز ومبروك الكأس ومبروك لمصر الانجاز وبرضه مبروك لكل العرب انا مش مصرية لكني فرحانة وفي غيري كثير جدا فمبروك لينا كمان

مهموهة أحمد يقول...

أرد عليكي يا شاعرنا الجميل و اقول كلمة اهداء مني لمصر و طبعا تكملة كلامك و ليا الشرف بيه

بلدي حبيبتي و ام الدنيا
يا غالية على قلبي و عينيا
واحشني ترابك و هواكي و الماية
واحشني كل مصري و كل مصرية
يا ناس بلدي و غالية عليا
حبها في دم كل مصري و فيا
لاني منها و بفتخر اني مصرية


مع خالص تحياتي و تقديري يا شاعرنا الجميل

الشاعر الفنان أحمد فتحى فؤاد يقول...

أم بوبه

أهلا بك فى أول زيارة لمدونتى و إن شاءالله ماتكون الأخيرة
شكرا على رأيك الجميل
أهلا بك دائما هنا
شكرا لك

الشاعر الفنان أحمد فتحى فؤاد يقول...

norhaty

عن تجربة ليكى و ليا ... و مازالت التجربة مستمرة
الجمال يأتى دائما من الداخل
شكرا لك على رأيك الجميل اللى أسعدنى
داينا منورانى

الشاعر الفنان أحمد فتحى فؤاد يقول...

موناليزا

شكرا طبعا ... لأنى مصرى قلبا و قالبا
و أفخر طبعا بمصريتى

أهلا بك فى زيارتك الأولى و اللى أتمنى يدوم تواصلنا بعدها
أهلا بك دائما
شكرا لك

الشاعر الفنان أحمد فتحى فؤاد يقول...

صيدلانية طالعة نازلة

لما تسافرى و تتغربى عنها تعرفى من كل قلبك قد إيه بتحبيها ... ترابها و هواها و ميتها ... كلها على بعضها
حتى لو فيها إيه ( و طبعا فيها كتييييير )
بلدنا و بنحبها
دائما منورانى
شكرا لك

الشاعر الفنان أحمد فتحى فؤاد يقول...

حروووووف

و لا يهمك ... المهم ربنا يوفقك و ينجحك
و المهم إنك دائما تنورينى
شكرا على رأيك الجميل
أهلا بك هنا دائما
شكرا لك

الشاعر الفنان أحمد فتحى فؤاد يقول...

خواطر شابة

الله يبارك فيكى ... و بعدين إنتى صحيح مش مصرية
لكنك بتحبى مصر .. و كلنا بنحبك و نحب بلدك الجميلة

دائما منورانى
شكرا لك

الشاعر الفنان أحمد فتحى فؤاد يقول...

الوفية للأبد ... مها أحمد

إنتى شاعرة جامدة يا مها
مبروك ليكى و لينا و لمصر كلها
دائما منورانى
شكرا لك

Ms Venus يقول...

جميلة اوى يا شاعرنا الجميل


وهى مصر بنحبها اكيييييييييييد



مهما حصل

الشاعر الفنان أحمد فتحى فؤاد يقول...

ms venus

إنتى الأجمل بتعبيرك الجميل .. و مدونتك الرائعة

مصر فى كل قلوبنا مهما يحصل ... مصرنا أمنا حبيبتنا
أهلا بك دائما منورانى
شكرا لك

Mahmoud Ahmed يقول...

كلام جميل يا باشا و الله
تسلم ايدك
و مليووووون مبروك علينا الفوز
و اول زياره لي
بس مدونتك جميله قوووووي و الله

الشاعر الفنان أحمد فتحى فؤاد يقول...

سبايدر مان

الله يخلليك على ذوقك يا قمر
إنت الأجمل و الله
نورتنى
الف الف مبروك لينا كلنا
أول زيارة و أتمنى تكون زيارة مستمرة
أهلا بك هنا دائما
شكرا لك

بلال عادل رجب. يقول...

جمـــــــــــــيل جدا جدا وبالتوفيق لمصر ام الدنيا

الشاعر الفنان أحمد فتحى فؤاد يقول...

قلب قارس

أهلا بك فى مدونتى فى زيارك الأولى
و أرجو دوام التواصل
شكرا على رأيك الجميل
نورتنى
شكرا لك

♥نبع الغرام♥♪≈ يقول...

ياااااااااااااااااااه

أنا متأخره جامد

أرجوك سامحنى

♥نبع الغرام♥♪≈ يقول...

مليووووووون مبرووك علينا كلنا ويارب الفرحه دايمآ جوه قلوب المصرين عامره

♥نبع الغرام♥♪≈ يقول...

كلماتك روعه وجميله اووى عبرت بيها بصدق عن وفائك وحبك المتناهى لبدك الجميله وبلدنا كلنا مصر الحبيبه
ربنا يديمها نعمه علينا يارب


ممكن ازغرد

لولولولولولولولولولولولولوى

خواطر شابة يقول...

هل ممكن اطلب منك استشارة شعرية ادخل لهذا البوست واقرأ القصيدة هي لام بوبة انا حاسة ان فيها مشكل في اخر بيتين انت ادينا رأيك انا وهي ان كان ممكن لو سمحت الرابط هو
http://awraktanbod.blogspot.com/
اسم البوست ليس كل الصمت ذهبا حتلاقي ملاحظتي على القصيدة في صفحة التعليقات
شكرا جزيلا مسبقا

WhItE HeArT يقول...

بجد احنا ناس بتحب بلدها اوي

ومحتاجين بس هدف

ياريت نفضل كده على طول

بالمناسبة كان ليا كلمة عايز اقولها

انا دايما لما بلاقي مدونة مكتوب الشاعر فلان او حاجة بقول ااااااه هدخل وهيتوجع دماغي وهقرى فصحى ومش هفهم حاجة في الاخر بس بجد حضرتك كسرت المبدأ ده

بجد بوست رائع وكلام جميل وسلس واحساس بحب البلد دي مينتهيش

اول زيارة وان شاء الله متكونش الاخيرة

الشاعر الفنان أحمد فتحى فؤاد يقول...

إيناس الملاك

أوكى المرة دى سماح ... بس إعملى حسابك المرة الجاية لا ممكن أبدا
دايما تعليقاتك مميزة فعلا
و طبعا كلنا بنحب مصر و أغلى علينا من نفسنا
زغردى براحتك و إعتبرى المدونة دى بتاعتك دائما تقولى اللى انتى عايزاه فى اى وقت
دايما منورانى بجد
شكرا لك

الشاعر الفنان أحمد فتحى فؤاد يقول...

خواطر شابة

طبعا ممكن و طبعا يسعدنى و كمان بشرفنى إنى أساعد اى حد و أقف جنب أى حد و خصوصا إخواتى و أخوتى المدونين
حاضر بادخل و أقولك كل اللى تؤمرينى بيه
فقد تعلمنا العلم لنعلم به من يحتاج فى أى وقت ...
يشرفنى
تحياتى دائما

الشاعر الفنان أحمد فتحى فؤاد يقول...

white heart

إحنا فعلا ناس بنحب بلدها بجنون مهما تعمل و مهما يحصل
و عندنا طاقات كتير مهدرة لو نخلص كلنا .. و طبعا بمعاونة دولتنا الجميلة تتحقق كل أمانينا فى كل الإتجاهات

طبعا أهلا و مرحبا بك فى أول زيارة و اللى أتمنى تكون دائما... ده يسعدنى و يشرفنى
شكرا لك

حياه بلا عنوان يقول...

السلام عليكم ورحمه الله وبركاته
الف الف الف مليون مبروك طبعا لمصر ولمنتخب مصر ومهما بيحصل مصر هى الافضل رغم اللى فيها بس الحمدلله هى احسن من غيرها كتير
كلماتك جميله قوى ماشاء الله
تحياتى

مرايتى يقول...

بجد تحفه
كلماتها جميله جدا جدا

يارب نفرح على طول وترجع صورة مصر احسن من الاول

تسلم ايدك ويسلم قلمك

ممكن تسمح لى اخدها مع الاحتفاظ طبعا باسم حضرتك تحتيها محتاجاها فعلا فى مكان ما ولازم طبعا حكتب اسم حضرتك عليها

الشاعر الفنان أحمد فتحى فؤاد يقول...

حياة بلا عنوان

و عليكم السلام و رحمة الله و بركاته
مصر أجمل و أحن و أحسن كتييير من غيرها على الأقل بالنسبة لنما إحنا المصريين
و خصوصا المغتربين ... و إسألينى أنا
دايما منورانى ... و أهلا بك دائما
شكرا لك

الشاعر الفنان أحمد فتحى فؤاد يقول...

مرايتى

أشكرك من كل قلبى على كلماتك الجميلة .. و التى أتمنى دائما إنى أستحقها

طبعا أسمح لك باللى إنتى عايزاه ... و عند وعدك بالحفاظ على إسمى
انا تحت أمرك و أمر كل المدونين مادام الجميع بيحافظ على حقوق الجميع

دايما منورانى .. و أهلا بك دائما
شكرا لك

مرايتى يقول...

طبعا يافندم دا مجهود حضرتك

مش ممكن انكره عليك وانسبه لنفسى

الشاعر الفنان أحمد فتحى فؤاد يقول...

مرايتى

خالص تقديرى و احترامى
اهلا بك دائما

خواطر شابة يقول...

شكرا جزيلا على الاستجابة وعلى الشرح المستفيض والمفيد حقا. سأحاول ايصال المعلومات لصاحبة القصيدة سواء على ميلها الشخصي ان رغبت او على مدونتها
مرة اخرى شكرا لك وتقبل تحياتي واحترامي

مهرة سالم يقول...

السلام عليكم..
ألف مبروووك لمصر ..
..
وليس هنالك ما أجمل من التغزل ببلد الشخص ...
...
دمت مبدعا ...

جايدا العزيزي يقول...

مشيت فى شوارعها


شربت من نيلها


حلمت فيها وبيها


وحلفت اخليها


اعظم بلاد الدنيا


مصر


ضمتنى احضانها


شالتنى فى عيونها


اكلت من خيرها


شربت من نيلها


احمد سامحنى على التأخير


لكن سبب تأخيرى


انى صممت انزل الشارع


واتابع ابطالنا من الشارع


واشارك المصريين فرحتهم


وكمان انتظر فريقنا فى المطار


سعيدة جدا يا احمد


وانا برفع علم مصر


ورغم ان صوتى راح وانا بشجع اسود افريقيا


الا انى فى قمه سعادتى


مهما وصفت كلامك كان اعظم من اى وصف


هو دة المصرى يا اعظم مصرى


الف مليوووووووون مبروك لينا النصر


الف مليووووون مبروك لينا الكاس


بغنى كلاماتك الجميله


اشكرك


دمت فى حفظ الرحمن


تحياتى

الشاعر الفنان أحمد فتحى فؤاد يقول...

نهار

الله يبارك فيكى و عليكى يا رب
أنا مش بس باتغزل فى بلدى ... أنا أتغزل فى أملنا و حلمنا العربى
إحنا أمة واحدة ... و مصر صاحبة أكبر و أعظم حضارة فى التاريخ الإنسانى المؤرخ ... أبدا مش مجرد بلد
أهلا بك دائما
شكرا لك و شكرا لروحك الجميلة المشجعة

الشاعر الفنان أحمد فتحى فؤاد يقول...

جايدا العزيزى

الله عليكى يا بنتى ...
أنا كمان نزلت فى الشوارع معايا علم مصر و أغانى مصر و جمال مصر ...
لكن فى بلد تانى جميل و الله يا جايدا
أنا مقيم فى دولة الإمارات العربية المتحدة... شعب الإمارات يا جايدا شعب طيب رائع جميل
كان بيشجع فريقنا و نزل معانا فى الشارع... و من قلبه و الله
الله عليهم

أوكى عندك عذرك المرة دى فى التأخير ... مسامح المرة دى

شكرا لكلماتك الرائعة الجميلة ... و الله أسعدتنى
دائما منورانى و فى إنتظارك
شكرا لك

Asmaa Fathi يقول...

مصـــــــر بــــــلاد الخـــــــير و الحـــــــب
نيلـــــــها بيجـــــرى وريـــد فى القلــــــــب
كــــــــام ملــــــــيون بيقـــــــولوا يـــــارب
تحفـــــــظ ليـــــــنا هامتــــــها العاليـــــــــة
بلـــــــــدى حبيبــــــــتى و أم الدنــــــــــــيا

جميلة بجد يا شاعر
تحياتي لك ولقلمك

جايدا العزيزي يقول...

انا اللى بشكرك يا احمد


وانا عارفه ان كل الشعوب العربيه بتعشق


تراب مصر العظيمه


عارف بشوف كل مصرى بلون النيل صافى


شفت كل المصريين فى الخارج احتفلوا بنصر مصر


يارب ترجع بالسلامه


اكيد مصر وحشاك كتير


انا كنت دخله اضم مدونتك للمدونات اللى بتابعها


ولقيت نفسى بهنى كل مصرى فى كل مكان


وعايزة ااقولك حاجه


لازم نفتخر ببلدنا


ولازم نفرح


مش كدة ولا ايه


اللى اتولد فى مصر


هو وحدة اللى يفهم ازاى يعشقها


حتى لو شاف فيها الالام وصعاب


هيفضل يحبها ويعشق كل ذرة رمل


احيك

واشكرك


ياابن مصر


دمت فى حفظ الرحمن


تحياتى

انت تسال والكمبيوتر يجيب يقول...

سررنا بالمرور ولذلك نوجه لك هذه الدهوه
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

الشاعر الفنان أحمد فتحى فؤاد يقول...

asmaa fathy

شكرا لك على جمال كلماتك

و دايما منورانى و الله
و دايما رأيك يهمنى

شكرا لك

الشاعر الفنان أحمد فتحى فؤاد يقول...

جايدا العزيزى

زيارتك و تعليقك للمرة التانية لنفس البوست شىء أقدره جدا جدا جدا و أشكرك عليه بلا حدود

كل اللى قلتيه مضبوط تماما و لا أستطيع أبدا أن أضيف بعد كلامك كلام
شكرا لك شكرا لك شكرا لك
نورتينى

الشاعر الفنان أحمد فتحى فؤاد يقول...

أنت تسأل و الكمبيوتر يجيب

تشرفنى الزيارة و تسعدنى الدعوه .. مع رغبة فى دوام التواصل
و أهلا و سهلا دائما

شكرا جدا

ghada mOhsen يقول...

الف مبرووووووك لمصر ولولادها الطيبيين
مع انها متأخره .. بس معلش
امتحاناتى على الابواب

بس بجد كلماتك حلوه كتير
وبجد نابعه من قلب حابب البلد دى اوى
ربنا يرجعك ليه بالسلامه
تسلم الايادى ياشاعرنا ..
... ;) ,,, ;) ...

همس الاحساس يقول...

انا مصريه وبفتخر
بجد البوست رائع
وتحيا مصر
شكرا لزيارتك مدونتى
وان شاء الله مش هتكون اخر مرة للزيارة لمدونتك الرائعه

الشاعر الفنان أحمد فتحى فؤاد يقول...

غادة محسن

أهلا و سهلا بيكى فى أى وقت
و ألف مبروك ليكى و لكل المصريين و لكل العرب فوز مصر الغالى

ربنا يوفقك يا رب فى الإمتحانات .. و يعينك
أمين يا رب العالمين
فى إنتظارك هنا دائما
شكرا لك

الشاعر الفنان أحمد فتحى فؤاد يقول...

همس الإحساس

تسعدنى جدا زيارتك لمدونتى ... و يسعدنى أكثر طبعا تكرار زيارتك
تنورينى
أهلا بك دائما هنا
شكرا لك

Unknown يقول...

مساء الخير
كلماتك اعادة الى زمان الحلم الجميل و الشعور بالفخر الحقيقي لانتمائي لمصر مهد الحضارات
يارب ترجع مصر كده تاني
و ننتصر في كل المجالات مش الكره بس
مبروك على الكاس
تحياتي , دمة سالما

الشاعر الفنان أحمد فتحى فؤاد يقول...

malika

أهلا و سهلا بك
اللى حصل فى الكورة ممكن يحصل فى كل مجال بشرط الإخلاص و الإنتماء ... و طبعا محاربة الفساد
و على كل حال ... مصر أجمل بلد فى الدنيا ... على الأقل لأنها بلدى حبيبتى

دائما منورانى و مشرفانى
أهلا بك دائما
شكرا لك

رضا الكومى يقول...

لسة الفرحة جوانا يا فنان
وهنفرح ومن حقنا
واللى مش عايز يفرح دى مشكلته
كلماتك معبرة عن حبنا كلنا وانتمائنا لبلدنا
وفى كل الأحوال
برضه مصر حبيبتى
تقبل مودتى أ/أحمد

الشاعر الفنان أحمد فتحى فؤاد يقول...

أ رضا الكومى

مصر هى بلدنا الجميلة بحلوها و مرها ... فرحها و حزنها
كل شىء ...
دمت سالما
و دائما منورنى بزيارتك الجميلة
أهلا بك
و شكرا لك

م/ محمد صالح يقول...

سعيد جدا بزيارتى للمدونة الجميلة دى وان شاء الله يدوم التواصل بيننا
انا بدعوك للمشاركة فى حملتة " فكرة من كل مصرى لأجل مصر " لمتابعت التفاصيل من فضلك شوف البوست كامل على مدونتى

الشاعر الفنان أحمد فتحى فؤاد يقول...

أخى المهندس محمد صالح

أسعدتنى زيارتك جدا... و اللى أتمنى تبقى زيارة دائمة
و طبعا يسعدنى المشاركة فى حملتك
اهلا و سهلا بك دائما و شكرا جدا لكلماتك الجميلة
شكرا لك

Ms Venus يقول...

فينك يا شاعرنا الجميل

بقالك فترة مش باين

يارب تكون بخير

الشاعر الفنان أحمد فتحى فؤاد يقول...

ms venus

و الله مش عارف أقولك إيه غير إنك فعلا إنسانة متميزة ... و سؤالك ده باشكرك و أقدرك عليه من كل قلبى
أنا موجود ... لكن الوقت هو اللى مش موجود
عموما إنتظرى أغنيتى الجديدة قريبا جدا
شكرا لك بجد

مواقع صديقة

كود: